Раўшан Аскераў выказваўся супраць вайны, у Расіі яго падазраюць па артыкуле аб «рэабілітацыі нацызму».
Вядомы ў мінулым гулец у «Што? Дзе? Калі?», журналіст Раўшан Аскераў унесены ў расійскі рэестр «тэрарыстаў і экстрэмістаў». У спісе ёсць пазнака, што на Аскерава завялі крымінальную справу па тэрарыстычным або экстрэмісцкім артыкуле. Ягоныя банкаўскія рахункі ў Расіі будуць замарожаныя.
Аскераў доўгі час быў адным з яркіх і пазнавальных гульцоў расійскага тэлеклуба «Што? Дзе? Калі?». У красавіку 2022 года ў дачыненні да Аскерава распачалі крымінальную справу аб рэабілітацыі нацызму. Усяму віной стаў ягоны пост у сацсетках, у якім журналіст, спасылаючыся на дакументы, назваў маршала Георгія Жукава «марадзёрам са стажам і злодзеем, які вывозіў з Германіі трафейную маёмасць для асабістага карыстання».
Аскерава абвясцілі ў вышук і завочна арыштавалі, а затым унеслі ў рэестр замежных агентаў. Сам былы знаток з'ехаў на радзіму, у Азербайджан, і заявіў, што вяртацца ў Расію не плануе. Аскераў таксама выказваўся супраць расійскага ўварвання ва Украіну.
Таксама ў рэестр тэрарыстаў і экстрэмістаў унеслі палітыка Леаніда Гозмана. У 2024 годзе яго завочна асудзілі на восем гадоў і шэсць месяцаў турмы паводле артыкула аб «фэйкі пра армію», які не з'яўляецца «тэрарыстычным» або «экстрэмісцкім».
Расійскі Следчы камітэт пачаў праверку выказванняў былога гульца «Што? Дзе? Калі?»
Знатака Іллю Новікава завочна асудзілі ў Расіі на восем з паловай гадоў
Супраць адваката і былога знатака Іллі Новікава ў Расіі завялі справу аб дзяржздрадзе
Адвакат, былы знаток «Што? Дзе? Калі?» Ілля Новікаў: «Я больш не расійскі юрыст. Я ўкраінец»
Каментары