Usiaho patrochu

Da šatłandskaha nacyjanalnaha śviata karol Karł III apublikavaŭ svajo FOTA ŭ kiłcie

Novaje fota karala Vialikabrytanii Karła III, jaki paziruje ŭ tradycyjnaj klatčastaj spadnicy (kiłcie) u zamku Bałmarał, apublikavana da dnia naradžeńnia šatłandskaha paeta Robierta Biornsa, jaki adznačajecca ŭ Šatłandyi jak nacyjanalnaje śviata 25 studzienia, piša Bi-bi-si.

Karł III u šatłandskim kiłcie. Fota: Bukinhiemski pałac

Fotazdymak byŭ zrobleny vosieńniu minułaha hoda ŭ biblijatecy letniaj rezidencyi karaleŭskaj siamji ŭ Abierdzinšyry na poŭnačy Šatłandyi.

Kiłt karala byŭ stvorany na asnovie tak zvanaha tartana Bałmarał, jaki byŭ raspracavany asabista mužam karalevy Viktoryi pryncam Albiertam u 1850-ja hady i z tych časoŭ zastavaŭsia abaviazkovym atrybutam karaleŭskaj siamji.

Hety tartan, jaki ŭklučaje zialony, sini i čyrvony kolery, byŭ prydumany Upraŭleńniem šatłandskich tartanaŭ u 2023 hodzie z nahody karanacyi Karła i zaklikany simvalizavać «niastomnuju prychilnaść manarcha spravie zachavańnia kultury i tradycyj adzieńnia hornaj Šatłandyi i šatłandskich tartanaŭ».

Na fatahrafii karol taksama vyjaŭleny ŭ halštuku koleraŭ jaho tartana i z tradycyjnym sporanam — pajasnoj torbaj-kašalom.

Fota karala ŭ Bałmarale ŭ tradycyjnym šatłandskim stroi było apublikavana z nahody šatłandskaha nacyjanalnaha śviata — Dnia naradžeńnia paeta Robierta Biornsa (1759-1796). Šatłandcy pa tradycyi adznačajuć hety dzień śviatočnaj viačeraj, padčas jakoj u peŭnym paradku padajucca apietyja paetam stravy, jakija ŭnosiać pad huki dudy paśla papiaredniaha čytańnia adpaviednych vieršaŭ, takich jak «Oda chahisu».

Paśla ŭračystaściaŭ, pryśviečanych Biornsu, Karł III 27 studzienia adpravicca ŭ Polšču, dzie naviedaje cyrymoniju z nahody 80-j hadaviny z dnia vyzvaleńnia nacysckaha kancłahiera Aŭšvic.

Heta budzie pieršaja zamiežnaja pajezdka brytanskaha manarcha ŭ novym hodzie. Biez małoha hod tamu ŭ jaho dyjahnastavali rak. U vyniku Karł III byŭ vymušany na čas lačeńnia admovicca ad udziełu ŭ hramadskich mierapryjemstvach na niekalki tydniaŭ, adnak užo ŭ krasaviku minułaha hoda viarnuŭsia da pracy.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Usie naviny →
Usie naviny

Vieteranu z Hrodna 97 hadoŭ — u 1945-m achoŭvaŭ most pad Nižnim Noŭharadam, a paśla vajny zmahaŭsia z «banderaŭcami»19

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

Čarhovy biełaruski trenier uznačaliŭ kiprski «Arys»

Kolki šenhienskich viz atrymali biełarusy ŭ 2024 hodzie i jakija krainy ich čaściej vydajuć?9

Adzinaccać hadoŭ Łukašenka raźvivaje harady-spadarožniki. Pakul atrymlivajecca nie vielmi

U ES uzhadnili admienu štampaŭ na miažy Šenhienu1

Ludzi ŭ šoku ad taho, kolki kaštuje vosiem dzion płyć pa rekach Paleśsia na ciepłachodzie «Biełaja Ruś»13

Biełarus znajšoŭ na nabytym učastku dziŭnyja rečy na vypadak apakalipsisu1

bolš čytanych navin
bolš łajkanych navin

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Hałoŭnaje
Usie naviny →

Zaŭvaha:

 

 

 

 

Zakryć Paviedamić