«Jana parušaje režym». Łukašenka raskazaŭ Rozenbierhu z BBC pra Kaleśnikavu
Łukašenka raskazaŭ, čamu pryniaŭ rašeńnie pakazać hramadstvu Maryju Kaleśnikavu paśla dvuch hadoŭ inkamunikada. I prapanavaŭ zachodniamu žurnalistu sustrecca z aktyvistkaj u turmie.
Na pres-kanfierencyi na ŭčastku, dzie prahałasavaŭ Alaksandr Łukašenka, jon adkazaŭ na pytańnie karespandenta BBC Styva Rozenbierha. Žurnalist pacikaviŭsia, ci nie čas adkryvać kamiery i vypuskać palitviaźniaŭ, siarod jakich Maryja Kaleśnikava, Siarhiej Cichanoŭski.
U adkaz Łukašenka zhadaŭ intervju, jakoje Rozenbierh uziaŭ u jaho ŭ kastryčniku. Tady brytaniec zapytaŭsia ŭ palityka pra mahčymaje pamiłavańnie Maryi Kaleśnikavaj i źviarnuŭ uvahu, što žančyna doŭhi čas znachodzicca ŭ režymie inkamunikada, biez suviazi navat z rodnymi.
Ciapier Łukašenka zajaviŭ, što tyja słovy Rozenbierha stali adnoj z pryčyn pakazać Kaleśnikavu:
«Skažu ščyra, ty mianie padšturchnuŭ da taho, kab ja pacikaviŭsia — a što tam adbyvajecca z Maryjaj? Kažuć, zdarovaja. Navat pres-sakrataru kažu: ty ž viedaješ Styva, jon usio roŭna naviažacca z hetym pytańniem. Pahladzi, dałažy mnie asabista, akramia tych, chto tam hladzić za joj, dzie jana znachodzicca. Kažuć, narmalnaja, zdarovaja. Ja kažu: «Dyk pakažycie jaje narodu». Pakazali, zdajecca, niechta chadziŭ da jaje. Ty za baćku kazaŭ, što nie puskajuć svajakoŭ.
Pa zakonie baćka nie mieŭ prava ź joj sustrakacca, jana parušaje režym. Ale ja kažu, słuchajcie, maja prośba, majo rašeńnie — pakažycie Styvu, što jana zdarovaja, što jana narmalna vyhladaje. Bačyŭ fatahrafiju? Bačyŭ», — skazaŭ Łukašenka.
Taksama Łukašenka prapanavaŭ Rozenbierhu i samomu naviedać Kaleśnikavu ŭ kałonii.
12 listapada 2024 hoda baćku Maryi Kaleśnikavaj dazvolili sustrecca z dačkoj, jakaja asudžanaja na 11 hadoŭ kałonii.
«Naša Niva» — bastyjon biełaruščyny
PADTRYMAĆ
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17
Kamientary
I, pa mahčymaści, pasprabavaŭ by vyjści na sustrečy ź inšymi palitviaźniami.
Patrabavać ad jaho takoha nielha, ale kali b vyrašyŭ sam - heta była b dobraja sprava dla źmien u režymie inkamunikada i da publičnaści ŭ tym, što adbyvajecca. Čyrvony Kryž, AAN karumpavanyja i nie bačać prablem, nie šukajuć sposabaŭ choć jakoha upłyvu.