Łukašenka zajaviŭ, što siam‘ja moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ
Łukašenka padčas samitu BRIKS u Kazani daŭ intervju žurnalistu Bi-bi-si Styvienu Rozenbierhu, u jakim siarod inšaha adkazaŭ na zadadzienaje jamu pytańnie pra mahčymaje pamiłavańnie dla Maryi Kaleśnikavaj.
Pytańnie dla Łukašenki nadta składanym nie było, bo jon spraktykavana ŭziaŭsia za toje, što dziesiacihodździami zvyčajna robić u padobnych vypadkach — razmyvać pryvatnaje ŭ ahulnym.
«U nas jość zakon: čałaviek uśviadomiŭ svaju vinu, jon źviarnuŭsia da prezidenta (jak i ŭ mnohich inšych krainach) z prośbaj ab pamiłavańni — nu što ž, my razhledzim. Kali budzie taki zvarot Kaleśnikavaj, ja abaviazkova razhledžu», — skazaŭ Łukašenka.
Paśla taho jon pierajšoŭ u kontrataku, papraknuŭšy žurnalista ŭ tym, što jon, maŭlaŭ, zakłapočany losam tolki Kaleśnikavaj, nie bačačy za joj inšych palitviaźniaŭ, jakich «miljon u turmach»:
«Ja kateharyčna suprać, što vy pačynajecie asoby vyłučać. Kali tam siadzić miljon, dyk tam usie ludzi adnolkavyja. A Kaleśnikava i inšyja pavinny adkazać pierad hetymi ludźmi, čamu jany tam apynulisia. Jany šmat chto i kažuć: «My ačumieli, adureli, nas padmanuli». Tamu my ich razhladajem u cełym».
Rozenbierh źviarnuŭ uvahu, što adnosna Kaleśnikavaj dziejničaje režym inkamunikada, kali ź joj nie majuć suviazi navat členy ŭłasnaj siamji, na što Łukašenka nasupierak realnym faktam zajaviŭ, što siamji Kaleśnikavaj jaje los nibyta abyjakavy:
«Jakoj siamji? A dzie jaje siamja, vy choć viedajecie? Vy navat nie viedajecie, što za siamja. Paprasiŭ baćka jaje naviedać. Kali łaska, idzi. Jon byŭ. Heta siamja? Chtości jašče choča z rodnych, blizkich naviedać jaje, budzie prośba — my jaje razhledzim. Tam, mahčyma, takaja siamja, što im, moža, i niecikava, jak vam, naviedać Maryju Kaleśnikavu. Vy dbajecie pra jaje bolš, čym rodnyja i blizkija».
Paśla hetaha jon zrabiŭ niečakanuju prapanovu:
«Tamu kali navat vy źviernieciesia, my vašu zajavu razhledzim».
Ale, vidać, zrazumieŭšy, što za hetuju frazu viadomy svajoj chvatkaj žurnalist moža ŭchapicca, adrazu ŭdakładniŭ:
«Ja kažu: razhledzim. «Tak», «nie» — heta budzie vidać potym».
Apytanka
Tym nie mienš, Łukašenka znoŭ namiaknuŭ, što budzie praciahvać praktyku pamiłavańniaŭ niekatorych palitviaźniaŭ:
«Kali čałaviek vypraviŭsia, nie parušaje zakon u kałonii vypraŭlenčaj, kali niejkija pakazańni pa zdaroŭi, my abaviazkova hetych ludziej, chutčej za ŭsio, pamiłujem. Jość kamisija, jana razhledzić i prymie rašeńnie».
Paźniak pra Kaleśnikavu: Niama adkazu na pytańnie, navošta ź jaje ŭparta raskručvajuć revalucyjaniera i lidara
Sproby naviedać Maryju Kaleśnikavu ŭ Homieli nie prynosiać pośpiechu
Paźniak: Kaleśnikava — štučna razdźmutaja asoba, jakaja adznačyłasia infantylnymi pavodzinami i niedalokimi kazańniami
U Vilni pakažuć śpiektakl pra Maryju Kaleśnikavu i biełaruskich palitviaźniaŭ
Što prapanavać Łukašenku za palitviaźniaŭ? Sprečka Stryžaka z Chomič
Paźniak: Kaleśnikava — poŭnaje palityčnaje ništo
Ciapier čytajuć
Znojdziena cieła supracoŭnicy viciebskaj chimii — jaje šukali dva z pałovaj hady1
Kamientary
.. i paśla hetaha chtoś ślapy iznoŭ nie ŭbačyć raskrutku Kaleśnikavaj. I chtości znoŭ budzie kpić u kamientach pad učorašnim artykułam pra Zianona, kali jon tuju raskrutku kanstatuje.