Novy preparat moža viarnuć zrok i spynić nastupstvy stareńnia mozhu
U ZŠA raspracavali pierśpiektyŭny preparat, jaki moža całkam adnavić zrok i palepšyć fukcyi mozhu ŭ pacyjentaŭ, chvorych na raśsiejany skleroz, albo tych, jakija pakutujuć ad naturalnaha stareńnia ci ciažkich traŭmaŭ hałavy.
Vučonyja z Univiersiteta Kałarada ŭ ZŠA stvaryli pierśpiektyŭny preparat, jaki moža adnavić zrok u ludziej z raśsiejanym sklerozam i inšymi nieŭrałahičnymi zachvorvańniami, što paškodžvajuć niejrony, piša časopis Medical Xpress.
Preparat LL-341070 uzmacniaje zdolnaść mozhu adnaŭlać paškodžany mielin — achoŭnuju abałonku vakoł niervovych vałoknaŭ hałaŭnoha i śpinnoha mozhu. Paškodžańnie mielinu źjaŭlajecca admietnaj rysaj takich chvarob, jak raśsiejany skleroz, a taksama naturalnych nastupstvaŭ stareńnia, jakoje časta pryvodzić da straty zroku, parušeńnia ruchalnych navykaŭ i źnižeńnia kahnityŭnych funkcyj.
Daśledavańnie, jakoje zasiarodziłasia na zroku pacyjentaŭ u vyšejpieraličanych vypadkach, pakazała, što choć mozh maje naturalnuju zdolnaść samastojna adnaŭlacca paśla paškodžańnia mielinu, hety praces zvyčajna pavolny i nieefiektyŭny. Navukoŭcy zaŭvažyli, što LL-341070 značna paskaraje praces adnaŭleńnia i palapšaje funkcyi mozhu, źviazanyja sa zrokam, navat paśla surjoznych paškodžańniaŭ (naprykład, paśla ciažkich traŭmaŭ ci avaryj).
«Hetaje daśledavańnie nabližaje nas da śvietu, dzie mozh maje zdolnaść samastojna i efiektyŭna rehienieravać. Skarystaŭšysia hetaj zdolnaściu, my spadziajomsia dapamahčy ludziam z takimi zachvorvańniami, jak raśsiejany skleroz, dajučy ludziam šaniec adnavić zrok i kahnityŭnyja funkcyi mozhu», — adznačyli navukoŭcy.
Pa ich słovach, preparat užo prademanstravaŭ pośpiechi na myšach i pakazaŭ, što navat častkovaje adnaŭleńnie mielinu było źviazana sa značnym palapšeńniem funkcyj mozhu, źviazanych sa zrokam. Nastupny krok — testavańnie na ludziach.
Daśledčyki płanujuć pravieryć dziejańnie preparata ŭ inšych častkach mozhu i ŭdaskanalić lačeńnie, kab zrabić jaho ŭ budučyni jašče bolš plonnym i dastupnym dla pacyjentaŭ.
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija16
Kamientary