Namibija vyrašyła ŭvieści vizavy režym z šeraham jeŭrapiejskich krain z 1 krasavika 2025 hoda. Heta rašeńnie, pryniataje ŭradam hetaj krainy ŭ Paŭdniova-Zachodniaj Afrycy, zakranie i hramadzian Biełarusi, piša Telegraf.news.
Da hetaha času biełarusam dla ŭjezdu ŭ Namibiju viza nie patrabavałasia. Vizavy režym ź Biełaruśsiu kraina admianiła ŭ adnabakovym paradku, heta značyć što hramadzianam Namibii pry ŭjeździe ŭ Biełaruś viza pa-raniejšamu była patrebna.
Z 1 krasavika 2025 hoda ŭrad krainy vyrašyŭ likvidavać hetuju nieadpaviednaść.
Pavodle danych miascovaha turystyčnaha partała Namibian.org, praz dva miesiacy viza spatrebicca hramadzianam usich krain, jakija, na dumku ŭrada Namibii, «nie adkazvajuć uzajemnaściu na žest Namibii pa biaźvizavym režymie» i nie dajuć hramadzianam hetaj krainy biaźvizavy ŭjezd. Usiaho ŭ śpisie apynułasia 31 kraina.
Atrymać vizu biełarusy mohuć u adnoj z dypłamatyčnych pradstaŭnictvaŭ albo konsulskich ustanoŭ Respubliki Namibija. Kali havorka idzie pra pajezdki ŭ turystyčnych metach, to vizu možna budzie apłacić pa prybyćci ŭ krainu:
- u mižnarodnych aeraportach Uołfiš-Biej i imia Chosea Kutaka,
- u pamiežnych punktach Ašykanha, Trans-Kałachary, Orańjamund, Nardovier, Kacima Mulia, astravy Impaliła, Nhoma i Machiemba.
Što tyčycca koštu ŭjaznoj vizy, to, pavodle danych turystyčnaha partała Namibii, ciapier košt vizy dla hramadzian krain, jakija nie ŭvachodziać u Afrykanski sajuz, składaje 1600 namibijskich dalaraŭ (ciapier heta ekvivalentna 80 jeŭra). Heta krychu mienš za tuju sumu, u jakuju abychodzicca jeŭrapiejski «Šenhien» hramadzianam Namibii — 90 jeŭra.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii13
Kamientary