U rasijskaj siamji, dzie čaćviora dziaciej zahinuli praz atručeńnie dychłafosam, pamierła piataje dzicia
Chłopčyk naradziŭsia ŭ listapadzie 2024 hoda ŭžo paśla rezanansnaj trahiedyi — hibieli čaćviarych bratoŭ i siaścior.
Čaćviora dziaciej pamierli ŭ siamji Vinahradavych z Krasnajarskaha kraju ŭ vieraśni 2024 hoda.
Tady siamja paviačerała ŭ siabie doma ŭ vioscy Čyrvonaja Sopka. Rankam usie adčuli rezkaje paharšeńnie zdaroŭja. Siamju špitalizavali.
Adnak miedyki nie zmahli vyratavać čaćviora dziaciej — 6, 11, 12 i 13 hadoŭ. Baćka i ciažarnaja maci vyžyli.
Spačatku byli padazreńni na niajakasnyja pielmieni, ale paźniej stała viadoma, što siamja atruciłasia dychłafosam.
U listapadzie ŭ žančyny naradziłasia dzicia. Nijakich prablem sa zdaroŭjem u jaho vyjaŭlena nie było, piša «Baza».
Adnak u noč na 2 lutaha trochmiesiačny Arciom pamior. Papiarednie, chłopčyk u śnie zachłynuŭsia vanitavymi masami. Pračnuŭšysia nočču, žančyna vyjaviła syna biez prykmiet žyćcia.
Vyrašajecca pytańnie ab zaviadzieńni kryminalnaj spravy za pryčynieńnie śmierci pa nieaściarožnaści.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary