Hramadstva88

Švied: Praz kamisiju pa viartańni viarnulisia 19 čałaviek, dazvoł atrymali jašče 40 čałaviek

Praca kamisii pa viartańni hramadzian, jakija źjechali z radzimy, budzie praciahnutaja. Pra heta zajaviŭ žurnalistam hienieralny prakuror Andrej Švied pa vynikach sustrečy z Łukašenkam, piša BiełTA.

«Praca kamisii budzie praciahnutaja. My ličym, što jana ŭnosić svaju leptu ŭ vyrašeńnie šerahu pytańniaŭ», — skazaŭ Andrej Švied.

Pavodle jaho słoŭ, kamisija ŭžo razhledzieła 241 zajavu, 19 čałaviek užo viarnulisia ŭ Biełaruś (niekatoryja pryjazdžali i viartalisia pa niekalki razoŭ, pa słovach Švieda).

«Kala 40 asobam dadzieny tłumačeńni ab tym, što jany mohuć spakojna viartacca: u nas da ich niama nijakich pretenzij. Ale ja viedaju, što častku ź ich dastatkova ščylna apracoŭvajuć zamiežnyja śpiecsłužby.

My viedajem fakty. Tym ludziam, jakija buduć viartacca, my budziem davać słova, i ad ich vy pačujecie, daviedajeciesia ŭsiu praŭdu pra toje, jak «sałodka» žyviecca za miažoj, jakoje da biełarusaŭ staŭleńnie i jakim čynam i chto pieraškadžaje viartańniu našych hramadzian na svaju radzimu», — skazaŭ hienieralny prakuror.

«Luby, chto žadaje viarnucca, źviartajciesia. Vy atrymajecie abjektyŭnuju infarmacyju, i ŭsie harantyi, jakija ŭstanoŭleny ŭkazam kiraŭnika dziaržavy, biezumoŭna, buduć vykanany. Vy spakojna zajedziecie ŭ našu krainu, jak užo zajechała 19 čałaviek. Z kožnym ź ich vy možacie pahutaryć. Usio, što pišacca za miažoj, što nibyta tut kahości zatrymali i hetak dalej, — takich faktaŭ my nie viedajem.

Akramia adnaho: asoba viarnułasia siudy, ale była zatrymanaja za ŭčynieńnie inšaha złačynstva. Heta ž nie značyć, što, kali asoba viarnułasia, u jaho imunitet ad adkaznaści za inšyja złačynstvy», — dadaŭ Andrej Švied.

Kamisija taksama vyvučaje materyjały hramadzian, jakija byli asudžanyja za złačynstvy ekstremisckaj nakiravanaści i źviarnulisia da jaho z zajavaj ab pamiłavańni. «Praca kamisii ŭličvałasia kiraŭnikom dziaržavy pry pryniaćci rašeńniaŭ ab amnistyi», — dadaŭ hienprakuror.

Kamientary8

  • nu
    04.02.2025
    za "pracu" ž peŭna hrošy atrymlivajuć... tamu "praca" i budzie praciahnuta
  • Josik
    04.02.2025
    Hramadzianie, tolki ŭdumajciesia, biełarusy nie pahadzilisia z falsifikacyjaj vybaraŭ u 2020, ničoha nie łamali, nikoha nie zabili, źjechali, kab nie apynucca za kratami, a zaraz pavinny ŭ niejkich durniaŭ nieadukavanych prasicca pryjechać dadomu. U kaho, u błazana hryški, u tych, chto nie ŭmieje pracavać, a tolki robić vyhlad, što pracuje?
  • feafania
    04.02.2025
    Josik, nu ja zastałasia i prajšła praz katavańni łukašystaŭ. Heta tak pasłuchała kaleh, jakija prosta mianie vykarystali ŭ toj momant, kali ja im patrebna była. Usio roŭna źjechała paśla skančeńnia asnoŭnaha etapu represyj. Liču złačynstvam žyć u kanclahiery i płacić padatki na ŭtrymańnie apryčniny. Za hod emihracyi narešcie supakoiłasia i pazbaviłasia ad chraničnaha stresu.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Usie naviny →
Usie naviny

Jakija karysnyja vykapni jość va Ukrainie?2

Ejsmanty na «Majbachu», Baskaŭ na «Bentli». Chakiejny siezon u Minsku zakryli z šykam-blaskam43

Kampanija A1 zapuściła svajo taksi. Dzie ciapier tańniej?2

Litva i Polšča zdahnali Izrail pa VUP na dušu nasielnictva11

U Danii aŭtamabil urezaŭsia ŭ natoŭp ludziej — paciarpieli minimum 11 čałaviek1

Napali i paranili ŭkrainskaha błohiera Siarhieja Ściarnienku34

Azaraŭ: Dumaju, Mielnikava pajechała adpačyvać na Kubu37

Reanimatołah Martaŭ raskazaŭ, jak vyratavaŭ žančynu z čatyrma skraznymi ranieńniami serca5

«Absalutny chaos». Kamała Charys raskrytykavała Trampa ŭ pieršaj pramovie paśla parazy na vybarach8

bolš čytanych navin
bolš łajkanych navin

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Hałoŭnaje
Usie naviny →

Zaŭvaha:

 

 

 

 

Zakryć Paviedamić