LinkedIn prapanuje karystalnikam znajści pracu mary praz štučny intelekt
Sacyjalnaja sietka LinkedIn raspracavała instrumient, jaki dazvolić karystalnikam lepš znachodzić patrebnyja vakansii.
Miechanizm pakul testujuć na nievialikaj hrupie ludziej, piša devby.io.
Śćviardžajecca, što praz novuju sistemu štučnaha intelektu karystalniki zmohuć bačyć tyja prapanovy pa pracy, jakija schavanyja pry zvyčajnym pošuku.
Servis dazvalaje karystalnikam uvodzić zapyty, naprykład «znajści rolu, dzie ja mahu vykarystoŭvać markietynhavyja navyki dla abarony navakolnaha asiarodździa» abo «pakazać vakansii ŭ markietynhu z zarobkam bolš za $100 tysiač».
Hiendyrektar kampanii Rajan Rasłanski zajaviŭ, što «novy instrumient moža dapamahčy znajści patrebnuju pracu, pra jakuju karystalniki navat nie padazravali». Jon ličyć, što ŭ realnaści niemahčyma adšukać pracu mary «prosta praviarajučy nabor klučavych słoŭ».
Novaja sistema vykarystoŭvaje moŭnuju madel dla analizu vialikaha abjomu dadzienych. Jana praviaraje apisańni vakansij, infarmacyju ab kampanijach i ahulnyja paviedamleńni na sajcie.
Ciapier sacsietka zmoža padkazvać karystalnikam novyja navyki, jakija nieabchodny dla atrymańnia kankretnaj pasady.
Kamientary