Śviet33

Tramp i Zialenski raskazali, pra što siońnia razmaŭlali pamiž saboj pa telefonie

12 lutaha prezident ZŠA Donald Tramp pahavaryŭ z kiraŭnikom Rasii Uładzimiram Pucinym, a paśla źviazaŭsia z prezidentam Ukrainy Uładzimiram Zialenskim. Spačatku było viadoma tolki pra fakt apošniaj razmovy, ale paśla abodva prezidenty paviedamili ŭ sacsietkach pra toje, jakija prablemy padčas jaje abmiarkoŭvalisia. 

Uładzimir Zialenski i Donald Tramp padčas sustrečy ŭ vieraśni 2024 hoda ŭ ZŠA. Fota: Alex Kent/Getty Images

Paviedamleńnie Trampa pra razmovu ź Zialenskim u sacsietcy Truth Social było našmat karaciejšym, čym pra razmovu z Pucinym. Ale ŭ im prezident ZŠA byŭ hetak ža sama napoŭnieny aptymizmam:

«Ja tolki što razmaŭlaŭ z prezidentam Ukrainy Uładzimiram Zialenskim. Razmova prajšła vielmi dobra. Jon, jak i prezident Pucin, choča zaklučyć mir.

My abmierkavali mnostva tem, źviazanych z vajnoj, ale ŭ asnoŭnym sustreču, jakaja pryznačanaja na piatnicu ŭ Miunchienie i dzie delehacyju ŭznačalać vice-prezident Džej Dzi Vens i dziaržaŭny sakratar Marka Rubia.

Spadziajusia, vyniki sustrečy buduć stanoŭčymi. Pryjšoŭ čas spynić hetuju niedarečnuju vajnu, padčas jakoj byli masavyja i zusim niepatrebnyja śmierci i razbureńni. Chaj dabrasłavić Hospad narody Rasii i Ukrainy!», — napisaŭ Tramp.

Zialenski, u svaju čarhu, napisaŭ pra vyniki sustrečy ŭ telehramie:

«Tolki što havaryŭ z Donaldam Trampam. Praciahłaja razmova. Pra mahčymaści dasiahnuć miru. Pra našu hatoŭnaść pracavać razam na ŭzroŭni kamandaŭ. Pra našy technałahičnyja mahčymaści, u pryvatnaści drony i inšyja sučasnyja vytvorčaści.

Udziačny prezidentu Trampu za cikavaść da taho, što my možam zrabić razam. Abmierkavali našu razmovu sa Skotam Biesentam i padrychtoŭku našaha novaha pahadnieńnia pa biaśpiecy i ekanamičnym i resursnym uzajemadziejańni.

Prezident Tramp prainfarmavaŭ mianie pra detali svajoj razmovy z Pucinym. Ukraina bolš za ŭsich choča miru. Vyznačajem našy sumiesnyja z Amierykaj kroki, kab spynić rasijskuju ahresiju i harantavać nadziejny, praciahły mir.

Jak skazaŭ prezident Tramp, let's get it done. Damovilisia pra dalejšyja kantakty i sustrečy».

Paśla Zialenski jašče raz zakranuŭ pytańnie razmovy z Trampam u svaim tradycyjnym viačernim zvarocie:

«Vielmi pradmietnyja pieramovy sa Złučanymi Štatami Amieryki. Była razmova z prezidentam Trampam — dobraja razmova, padrabiaznaja. Ja ŭdziačny prezidentu Trampu za ščyruju cikavaść da našych ahulnych mahčymaściaŭ, da taho, jak my možam razam nablizić sapraŭdny mir.

Praciahłaja razmova. My abmierkavali šmat niuansaŭ — dypłamatyčnych, vajennych, ekanamičnych, i prezident Tramp prainfarmavaŭ mianie pra toje, što jamu skazaŭ Pucin.

Vierym, što siły Amieryki dastatkova, kab razam z nami, razam z usimi partniorami dacisnuć Rasiju i Pucina da miru».

Kamientary3

  • Baradzied
    12.02.2025
    Zielenskij prosto tak nie ustupit tierritorii. Vojna prodołžajetsia.
  • Vadia
    13.02.2025
    Baradzied, Nu ,tohda "ustupiat" jeho samoho.
  • ech vania, piej łučšie zielenku
    13.02.2025
    Vadia, tvoj kommient v stile "nu tohda my voźmiem Kijev za tri dnia". million vaniek krieml połožił v čiernoziemie, a do Kijeva jeŝie boleje 700 km.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Novym Papam abviaścili amierykana-pieruanskaha kardynała Robierta Prevo8

Novym Papam abviaścili amierykana-pieruanskaha kardynała Robierta Prevo

Usie naviny →
Usie naviny

Čamu žonki futbolnych forvardaŭ atakavali adna adnu. U Anhlii zaviaršajecca «Sprava Vahaty Kryści»

Pieršaja noč pucinskaha pieramirja prajšła biez nalotaŭ bieśpiłotnikaŭ1

Zaniadbany pałac Radziviłaŭ pradajuć u try tysiačy razoŭ daražej, čym niekalki hadoŭ tamu6

«Savuškaŭ pradukt» trapiŭ pad chvalu krytyki za paŭpustyja ŭpakoŭki6

Niama lepšaha aramatyzataru za vocat. Voś jak heta dziejničaje3

U pieršy dzień kankłava z komina Sikstynskaj kapeły pajšoŭ čorny dym1

U Minska-Mahiloŭskaj dyjacezii dazvolili viernikam 9 maja nie trymać piatničny post1

Dyrektar sietki dziaržaŭnych kinateatraŭ raskazaŭ, čamu pryvatniki zabirajuć hledača6

U Dobrušy babior pryjšoŭ u palikliniku i zasnuŭ pry ŭvachodzie2

bolš čytanych navin
bolš łajkanych navin

Novym Papam abviaścili amierykana-pieruanskaha kardynała Robierta Prevo8

Novym Papam abviaścili amierykana-pieruanskaha kardynała Robierta Prevo

Hałoŭnaje
Usie naviny →

Zaŭvaha:

 

 

 

 

Zakryć Paviedamić