U Połacku baćki pakinuli maleńkaje dzicia adno ŭ mašynie na marozie
Supracoŭnikam DAI daviałosia ratavać maleńkaje dzicia, jakoje bolš čym na hadzinu zastałosia adno ŭ začynienym aŭtamabili na marozie ŭ Połacku, paviedamili va ŭpraŭleńni DAI Viciebskaha abłvykankama.
Pavodle źviestak siłavikoŭ, ekipaž DAI atrymaŭ infarmacyju, što pablizu połackaha Spasa-Jeŭfrasińnieŭskaha manastyra ŭ začynienaj mašynie Renault płača paŭtarahadovaje dzicia.
«Prybyŭšy na miesca, supracoŭniki DAI vyśvietlili ŭ vidavočcaŭ, što dzicia znachodzicca ŭ aŭtamabili adno ŭžo bolš za hadzinu. Tempieratura pavietra na vulicy dasiahała minus 10 hradusaŭ», — skazali va ŭpraŭleńni.
Tam taksama ŭdakładnili, što inśpiektary zdoleli adkryć dźviery aŭto, dastali małoje i adnieśli jaho ŭ słužbovuju mašynu.
Baćki chłopčyka viarnulisia paźniej. Jany zajavili, što dzicia było ciopła apranutaje i ŭ sałonie zasnuła, a jany adłučalisia nienadoŭha. Ciapier inśpiekcyja pa spravach niepaŭnaletnich pravodzić pa hetaj spravie pravierku.
Kamientary