U Biełarusi vydali bolš za 27 tysiač hienietyčnych pašpartoŭ. Navošta jany?
Pra ŭkaranieńnie hienietyčnych pašpartoŭ zdaroŭja raspavioŭ namieśnik dyrektara pa navukovaj rabocie Instytuta hienietyki i cytałohii NAN Biełarusi Pavieł Marozik na pres-kanfierencyi, piša Smartpress.
Pry Instytucie hienietyki i cytałohii NAN Biełarusi pracuje Respublikanski centr hienomnych bijatechnałohij. Z momantu adkryćcia centra hienietyki praviali tam bolš za 400 tysiač analizaŭ i vydali pacyjentam bolš za 27 tysiač hienietyčnych pašpartoŭ.
«Jon źjaŭlajecca nieabchodnym składnikam tak zvanaj piersanalizavanaj miedycyny, zasnavanaj na indyvidualnych asablivaściach kožnaha čałavieka», — skazaŭ Marozik.
U hetym ža centry navukoŭcy raspracavali mietodyki dla vyjaŭleńnia hienietyčnaj schilnaści da bolš čym 20 roznych zachvorvańniaŭ.
Daśledavańni dazvalajuć vyvučyć hienom čałavieka, u vyniku čaho stvarajucca vialikija abjomy hienietyčnych dadzienych. Dziakujučy daśledavańniam možna jak pradkazać niejkaje zachvorvańnie, tak i vybrać najbolš pasujučy varyjant lačeńnia.
-
Navukoŭcy dakazali marnaść internet-sprečak: nichto nie mianiaje dumku, a vyniki nie reprezientujuć bolšuju častku hramadstva
-
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
-
U Ziamli jość chvost, jaki ciahniecca jak minimum na 2 miljony kiłamietraŭ
Kamientary