Hetaj nočču rasijski ŭdarny dron z fuhasnaj bajavoj častkaj udaryŭ u «Schovišča» — kupał, uźviedzieny nad razburanym 4-ha enierhabłokam Čarnobylskaj atamnaj stancyi.
U vyniku ataki schovišča na ČAES atrymała paškodžańni. Pažar byŭ likvidavany, paviedamiŭ Uładzimir Zialenski ŭ svaim telehram-kanale.
Radyjacyjny fon pakul nie pavyšaŭsia, jaho pastajanna manitorać. Ale pieršyja acenki pakazvajuć, što paškodžańni kanstrukcyi surjoznyja.
Na sustrečy z žurnalistami ŭ Miunchienie prezident Zialenski paviedamiŭ, što dron, jaki siońnia trapiŭ u sarkafah na Čarnobylskaj AES, lacieŭ na vyšyni 85 mietraŭ, na jakoj radary nie mohuć jaho adsočvać. Pavodle jaho słoŭ, heta zrabili naŭmysna mienavita ŭ dzień Miunchienskaj biaśpiekavaj kanfierencyi.
Abarončuju abałonku nad 4-m enierhabłokam Čarnobyla pabudavali ź finansavaj dapamohaj Jeŭrasajuza. Jana ŭjaŭlaje saboj hihancki kupał, jaki abaraniaje razburany reaktar ab atmaśfiernych apadkaŭ i nie daje radyjeaktyŭnym čaścicam ź jaho raźlatacca i raspłyvacca. Pry razbureńni abałonki vykidy radyjacyi buduć pahražać najpierš Homielskaj vobłaści Biełarusi, ale radyjeaktyŭnyja čaścicy buduć raźlatacca pa ŭsim rehijonie.
-
«Bransk pad rakietnym udaram!» — «Vy nie tušycie, daharyć chutčej». Minabarony Ukrainy pa-čornamu adpalvaje ŭ Threads
-
Zialenski zaklikaŭ Trampa dla zakančeńnia vajny macniej cisnuć na Pucina, a nie na jaho
-
U Čarnaŭcach padčas uskryćcia cieła vajskoŭca, pieradadzienaha ŭ ramkach abmienu z RF, vyjavili hranatu
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju13
Kamientary
Rośsijanie nie chotiat normalno žiť sami i nie chotiat, čtoby druhije, osobienno sosiedi, žili normalno.