Śviet3939

Umovy prapanavanaj ekanamičnaj damovy pamiž ZŠA i Ukrainaj vyhladajuć kabalnymi

Brytanskaje vydańnie The Telegraph śćviardžaje, što atrymała prajekt papiaredniaj damovy ZŠA z Ukrainaj, datavany 7 lutaha 2025 hoda. Umovy hetaha kantraktu, jaki tydzień tamu nibyta trapiŭ u Ofis Uładzimira Zialenskaha, aznačajuć ekanamičnuju kałanizacyju Ukrainy z boku ZŠA, jurydyčna zamacavanuju na niavyznačany termin.

Donald Tramp. Fota: Pool via AP

Kali vieryć hetamu dakumientu, to patrabavańni Donalda Trampa adnosna «kampiensacyi» ad Ukrainy ŭ pamiery 500 młrd dalaraŭ vychodziać daloka za miežy kantrolu ZŠA nad žyćciova važnymi dla krainy karysnymi vykapniami. Damova achoplivaje ŭsio — ad partoŭ i infrastruktury da nafty i hazu, a taksama bolš šyrokaj resursnaj bazy krainy.

ZŠA, pavodle hetaj damovy, nibyta buduć atrymlivać 50% ciapierašnich dachodaŭ Ukrainy ad zdabyčy resursaŭ i 50% finansavaj vartaści «ŭsich novych licenzij, vydadzienych trecim asobam» dla budučaj manietyzacyi resursaŭ. 

«Hety punkt aznačaje «spačatku zapłacicie nam, a potym karmicie svaich dziaciej», — skazała krynica, blizkaja da pieramoŭ.

Prezident Ukrainy Uładzimir Zialenski sam prapanavaŭ ideju dać ZŠA pramuju dolu ŭ zdabyčy ŭkrainskich redkaziamielnych karysnych vykapniaŭ padčas vizitu ŭ ZŠA ŭ vieraśni minułaha hoda, spadziejučysia palehčyć šlach dla praciahvańnia pastavak zbroi.

«Kali my havorym pra ździełku, to davajcie zaklučać ździełku, my tolki «za», — skazaŭ jon.

Adnak naŭrad ci jon čakaŭ, što jamu vystaviać umovy, jakija zvyčajna staviać krainam-ahresaram, što paciarpieli parazu ŭ vajnie. 

Kali hety prajekt budzie pryniaty, piša The Telegraph, to patrabavańni Trampa zakranuć častku ŭkrainskaha VUP bolšuju, čym reparacyi, nakładzienyja kaliści na Hiermaniju pavodle ŭmoŭ Viersalskaj damovy. U toj ža čas Tramp, jak vyhladaje, hatovy całkam vyzvalić ad adkaznaści Rasiju.

Ukraina prosta nie moža vykanać patrabavańnie Trampa ab 500 miljardach dołaraŭ u razumny termin, nie kažučy ŭžo pra bolš važnaje pytańnie: ci spraviadliva tak abychodzicca z krainaj-achviaraj paśla taho, jak jana try hady ŭtrymlivała front zmahańnia za demakratyju, achviarujučy vielizarnymi resursami. 

«Moj styl zaklučeńnia ździełak davoli prosty i zrazumieły. Ja celusia vielmi vysoka, a potym prosta praciahvaju nastojvać, nastojvać i nastojvać, kab atrymać toje, što chaču», — piša Tramp u svajoj knizie «Mastactva zaklučeńnia ździełak».

Adnak ža ŭ sapraŭdnym biznesie druhi bok zvyčajna moža adyści ŭbok, kali ŭmovy jaho nie zadavalniajuć. Patrabavańnie ž Trampa — heta prymus žaleznymi kułakami słabiejšaj nacyi, zahnanaj u kut, adznačaje The Telegraph.

U vyniku Zialenskamu davodzicca faktyčna vybirać pamiž vajennym uvarvańniem Pucina i ekanamičnym uvarvańniem z boku ŭłasnaha sajuźnika.

Niezdarma na Miunchienskim forumie ŭkrainskim čynoŭnikam daviałosia aściarožna ruchacca pa minnym poli, sprabujučy vietliva ŭśmichacca i vykazvajučy nadzieju na padpisańnie pahadnieńnia ab zdabyčy karysnych vykapniaŭ, ale adnačasova śćviardžajučy, što ciapierašni tekst parušaje ŭkrainskaje zakanadaŭstva i patrabuje dapracoŭki. 

Kamientary39

  • Imia
    17.02.2025
    Nu što, oś zła pomieniała viektor - tiepieŕ eto Tramp, Mask i ko i ich umnyj putin.
  • Dramp chorošij! Pozdrav́!
    17.02.2025
    [Red. vydalena]
  • 1
    17.02.2025
    A što, ŭłasna, vy čakali? Dumali, što ZŠA - heta prosta takaja vysokamaralnaja kraina, jakaja pa čystaj dabracie dušeŭnaj raźmiarkoŭvaje pa śviecie hrošy, kab zmahacca za svabodu, volu i demakratyju? Heta i da Trampa nie było tak, prosta nie kamunikavałasia tady tak adkryta. Uvohule ŭ śviecie možna i varta raźličvać tolki na siabie - i ŭ im byvajuć maksimum situatyŭnyja sajuźniki. Nichto nie budzie stavić čužyja intaresy vyšej za svaje. Tamu ad iluzij varta pazbaŭlacca - darečy, nie tolki ukraincam.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Usie naviny →
Usie naviny

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

Čarhovy biełaruski trenier uznačaliŭ kiprski «Arys»

Kolki šenhienskich viz atrymali biełarusy ŭ 2024 hodzie i jakija krainy ich čaściej vydajuć?9

Adzinaccać hadoŭ Łukašenka raźvivaje harady-spadarožniki. Pakul atrymlivajecca nie vielmi

U ES uzhadnili admienu štampaŭ na miažy Šenhienu1

Ludzi ŭ šoku ad taho, kolki kaštuje vosiem dzion płyć pa rekach Paleśsia na ciepłachodzie «Biełaja Ruś»13

Biełarus znajšoŭ na nabytym učastku dziŭnyja rečy na vypadak apakalipsisu1

«Šykoŭny restaran №1». Jak vyhladaje abnoŭlenaja stałovaja harvykankama ŭ Breście5

bolš čytanych navin
bolš łajkanych navin

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Hałoŭnaje
Usie naviny →

Zaŭvaha:

 

 

 

 

Zakryć Paviedamić