Dyzajnier prydumaŭ novy biełaruski interjerny styl — biełandzi. Što heta takoje?
Biełaruski dyzajnier Andrej Jermačkoŭ prydumaŭ novy interjerny styl — biełandzi. Jon praduhledžvaje spałučeńnie sučasnaha minimalizmu ź biełaruskim kałarytam.
Na vizualizacyjach Andrej pakazaŭ, jak heta mahło b vyhladać u žyćci.
Naprykład, zamiest špaler — dekaratyŭnaja tynkoŭka s biełaruskim arnamientam. Sałamianyja pavuki ŭ jakaści azdableńnia. Pa žadańni — ikony. Nu i, viadoma, śvietłyja adcieńni ŭ interjery, lon i ciopłaje śviatło.
Termin biełandzi — heta vidavočnaja adsyłka da interjernych stylaŭ u duchu Skandynavii ŭ miksie z vajbam inšaj krainy.
Adzin z samych viadomych takich kirunkaŭ, naprykład, džapandzi — źmiešvańnie dźviuch dyzajn-tradycyj: skandynaŭskaj i japonskaj. Jon hruntujecca na minimaliźmie, abmiežavańni vizualnaha šumu, prostych formach i pryrodnych kolerach. Džapandzi — heta adnačasova funkcyjanalnaść i estetyka. Usie pradmiety ŭ interjery pavinny słužyć niejkaj mecie. Adziny ŭniviersalny dekor — žyvyja raśliny.
U kamientarach u tyktoku, dzie dyzajnier padzialiŭsia svaim vynachodnictvam, reakcyi roźniacca. Častcy padabajecca sama ideja, ale niechta ličyć, što aŭtar zanadta paviarchoŭna ŭsprymaje biełaruskuju kulturu. «Ci mahčyma być biełarusam i pry hetym nie dadavać da ŭsiaho biełaruski arnamient», — zadajecca pytańniem adna z kamientatarak.
Ciapier čytajuć
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku2
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary