Statystyčnaje viedamstva padrychtavała padborku danych pra mužčyn, jakija žyvuć u Minsku. Ličby pakazvajuć ich kolkaść, uzrostavuju strukturu, siamiejny status i prafiesijnuju zaniataść.
Na pačatak 2024 hoda ŭ stalicy pražyvała 904 tysiačy mužčyn, što składaje 45,4% ad usiaho nasielnictva horada. Pry hetym žančyn u Minsku zaŭvažna bolš: na 1000 mužčyn prypadaje 1204 žančyny, heta značyć, što na 10 minčanak davodzicca pryblizna 8,3 mužčyny.
Bolšaja častka mužčyn — 68,1% — znachodzicca ŭ pracazdolnym uzroście (ad 16 da 63 hadoŭ), 18% jašče nie dasiahnuli paŭnalećcia, a 13,9% užo na piensii.
Siamiejnaje žyćcio minčan taksama znajšło adlustravańnie ŭ statystycy. Pavodle pierapisu nasielnictva 2019 hoda, 59,9% mužčyn byli žanatyja abo mieli stałuju paru, 22,9% nikoli nie byli ŭ šlubie, 7,8% raźviedzienyja, a 3,7% stali ŭdaŭcami. U 2023 hodzie ŭ Minsku było zarehistravana 13,7 tysiačy šlubaŭ, ź jakich 67,7% stali pieršymi dla žanichoŭ, a 32,5% — paŭtornymi. Siaredni ŭzrost mužčyn, jakija zaklučyli šlub u minułym hodzie, skłaŭ 29,2 hoda.
Što da prafiesijnaj zaniataści, to minskija mužčyny pieravažna pracujuć u budaŭnictvie, transpartnaj, paštovaj i kurjerskaj dziejnaści, a taksama ŭ pramysłovaści. To bok najbolš zapatrabavanymi zastajucca prafiesii, źviazanyja ź fizičnaj pracaj i techničnymi śpiecyjalnaściami.
Łatuška abviarhaje abvinavačańni ŭ charasmencie ad delehatki KR Karpušonak83
Łatuška abviarhaje abvinavačańni ŭ charasmencie ad delehatki KR Karpušonak
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary