«Nikoli ni ad kaho nie atrymlivali skarhaŭ». Što viadoma pra situacyju śviatara, jakoha sudziać u Šumilinie
U zakrytym pracesie nad ksiandzom Andžejem Juchnievičam, jakoha ciapier sudziać u Šumilinie, abjaŭleny pierapynak na miesiac. Nastupnaje pasiadžeńnie pryznačana na 28 studzienia, vynikaje z raskładu suda. Zvyčajna nastolki praciahłyja pierapynki robiać dla praviadzieńnia raznastajnych ekśpiertyz i vykliku ŭ sud ekśpiertaŭ, piša Katolik.life.
U vypadku Andžeja Juchnieviča ŭpieršyniu katalickaha śviatara ŭ Biełarusi (jaki pieršapačatkova ciarpieŭ pieraśled pa «palityčnych» administracyjnych artykułach) abvinavacili ŭ złačynstvach, jakija tyčacca seksualnaj niedatykalnaści niepaŭnahadovych.
U takich vypadkach Katalickaja carkva zvyčajna pravodzić ułasnaje rasśledavańnie na pradmiet mahčymaha parušeńnia śviatarom normaŭ Kodeksa kananičnaha prava — hałoŭnaha kaściolnaha «zakona». Jak stała viadoma viernikam z kampietentnych krynic, kananičnaje rasśledavańnie nie pravodziłasia, pakolki heta niemahčyma z-za taho, što śviatar znachodzicca pad aryštam.
U toj ža čas viernikam dakładna viadoma, što kiraŭnictva dyjacezii «nikoli ni ad kaho nie atrymlivała skarhaŭ» na ajca Andžeja Juchnieviča.
Takim čynam, pra sutnaść abvinavačvańnia i najaŭnaść jakich-niebudź dokazaŭ viny śviatara hramadskaść nie daviedajecca, bo sud prachodzić u zakrytym režymie. Pry hetym, pa infarmacyi Katolik.life, vierniki nie viedajuć tych, chto b prachodziŭ paciarpiełym pa spravie śviatara.
Pryznačyli sud nad śviatarom Andžejem Juchnievičam, zamiest palityki abvinavačvajuć u piedafilii
Katalicki śviatar Pavieł Lemiech źjechaŭ ź Biełarusi
Tadevuš Kandrusievič i Uładzisłaŭ Zavalniuk naviedali parafiju źniavolenaha ksiandza Juchnieviča
Ksiandzu Andžeju Juchnieviču pahražajuć fejkavymi abvinavačańniami ŭ piedafilii
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary