Budanaŭ acaniŭ uzrovień karupcyi ŭ rasijskaj armii paśla zvalnieńnia Šajhu
Načalnik Hałoŭnaha ŭpraŭleńnia raźviedki MA Ukrainy Kirył Budanaŭ u intervju «Ukrinfarmu» vykazaŭsia pra pracu novaha kiraŭnictva Minabarony Rasii.
Budanaŭ kaža, što paśla zvalnieńnia Šajhu ŭ vojsku RF stali mienš kraści.
«Jany zmahli krychu pamienšyć uzrovień kradziažu ŭ rasijskaj armii, realna zmahli. Heta jość, ale źmienšyłasia. Bolš dachodzić da raźvićcia, padtrymki ŭzbrojenych sił RF i inšaje», — kaža jon.
Pavodle jaho słoŭ, paśla zvalnieńnia Siarhieja Šajhu i pryznačeńnia ministram abarony RF Andreja Biełavusava, rola miedyjnaha Šajhu «mocna ŭpała». Šajhu zaraz uznačalvaje Saviet biaśpieki RF, ale, pavodle Budanava, na hetaj pasadzie byłoha ministra abarony Rasii abmiežavali.
Novaje ž kiraŭnictva Minabarony Rasii pracuje bolš u cieni i bolš efiektyŭna.
Pry hetym kiraŭnik raźviedki dadaŭ, što novy kiraŭnik Minabarony RF «pracuje narmalna».
«Narmalna pracuje. Technakratyčna ŭsprymajecca. Heta značyć, čałaviek, jaki zajmajecca biurakratyčnymi i arhanizacyjnymi pytańniami i inšymi», — skazaŭ Budanaŭ.
Ciapier čytajuć
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju29
Kamientary