U Drazdach pradajecca dom za $4 miljony. Jaho budavaŭ dla siabie eks-ministr unutranych spraŭ Navumaŭ FOTY
Pakupnikoŭ zavablivajuć dobrazyčlivymi susiedziami — naprykład, eks-staršynioj KDB Biełarusi.
U bazach biełaruskich ahienctvaŭ nieruchomaści źjaviłasia abjava ab prodažu doma na Ahatavym zavułku — u namienkłaturnym rajonie Drazdy. Heta katedž, jaki ŭ siaredzinie 2000-ch atrymała siamja tahačasnaha ministra ŭnutranych spraŭ Uładzimira Navumava. Elitnaje žyllo ad pačatku była zarehistravana na žonku ministra Ału Navumavu. Tak rabili mnohija čynoŭniki — kab minimizavać ryzyku kanfiskacyi žylla pry mahčymym aryšcie. Jak viadoma «Našaj Nivie», jak minimum pa stanie na 2020 hod Navumavy praciahvali zastavacca haspadarami katedža.
«Dom pabudavany pa indyvidualnym prajekcie. Vykanany jakasny ramont z darahich, sučasnych materyjałaŭ: italjanskaja plitka, padłoha — parkiet z samaj ćviordaj parody dreva, santechnika niamieckaja, mebla italjanskaja, vokny — draŭlanyja škłopakiety ź listoŭnicy», — havorycca ŭ abjavie.
Adznačajecca, što novyja ŭłaśniki katedža zajmiejuć i dobrazyčlivych susiedziaŭ. Całkam mahčyma — pa bakach žyvuć siemji kolišniaha staršyni Vyšejšaha haspadarčaha suda Viktara Kamiankova i eks-staršyni KDB Leanida Jeryna.
Uładzimir Navumaŭ naradziŭsia ŭ 1956 hodzie ŭ Smalensku. Z 1976 — u sistemie MUS. U 1991-1997 kiravaŭ AMAPam, u 1997 — 1999 — kamandzir «Ałmaza», u 1999-2000 — načalnik Słužby biaśpieki Łukašenki. U 2000-2009 — ministr unutranych spraŭ. Paralelna ŭ 2001-2010 uznačalvaŭ fiederacyju chakieja Biełarusi. Pa stanie na 2024 hod Navumava naležała 75% zarehistravanaj u Maskvie kampanii «Zorka Fud», jakaja handluje zierniem u akupavanym Maryupali.
«Drazdy-3». Jak u pasiołku pad Minskam pasialilisia Hałoŭčanka, Hłaz, Jančeŭski, Kavalčuk i inšaja łukašenkaŭskaja elita
Siamja ministra pradaje pałovu katedža ŭ Drazdach. Choča až $780 tysiač! FOTA
Hety katedž u Drazdach siamja futbolnaha treniera pradała za $800 tysiač FOTAFAKT
Ad Abielskaj da Jarmošynaj: 112 uładalnikaŭ katedžaŭ u Drazdach, poŭny śpis
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary