Nieruchomaść99

Siamja ministra pradaje pałovu katedža ŭ Drazdach. Choča až $780 tysiač! FOTA

Ministr pa nadzvyčajnych situacyjach Uładzimir Vaščanka, jak i inšyja biełaruskija top-čynoŭniki, nie abdzieleny nieruchomaściu. U 2012 hodzie jon atrymaŭ nadzieł na Siomkaŭskim zavułku ŭ «Drazdach-2», pabudavaŭ tam vialiki katedž.

Bližejšyja susiedzi Vaščanki — były ministr unutranych spraŭ Ihar Šunievič i deputat Valeryj Mickievič.

Čytajcie taksama. Ad Abielskaj da Jarmošynaj: 113 uładalnikaŭ katedžaŭ u Drazdach, poŭny śpis

Praŭda, ciapier siamja ministra pazbaŭlajecca ad častki doma. Pradajuć zusim nie tanna!

Abjava ab prodažy źjaviłasia na sajcie realt.by:

«Architekturna piśmienny prajekt dazvalaje kamfortna žyć. Na pieršym paviersie prastornaja haścioŭnia z kuchniaj, z sanvuzłom, kabinietam i vychadam na ŭčastak.

Na druhim paviersie doma raźmieščanyja try žyłyja pakoi z prastornymi terasaj, kładoŭkaj i sanvuzłom. Jość abstalavany padvał ź dźviuma kładoŭkami i naturalnym aśviatleńniem. Haraž. Učastak, zasiejany hazonam, vykładzienyja darožki, kłumby z kvietkami ciešać voka, pramy vychad na vadaschovišča Drazdy.

Učastak abharodžany, varoty adkryvajucca aŭtamatyčna. Katedž składajecca z kvatery ŭ dvuchkvaternym žyłym domie».

Siamja ministra Vaščanki pradaje nie ceły dom, a tolki jaho pałovu.

Reč u tym, što čynoŭnik adrazu budavaŭ katedž z dvuma ŭvachodami, kab padzialić budynak pamiž dziećmi.

Pałova dastałasia synu Dźmitryju, druhaja pałova — dačce Irynie. Darečy, jana pracuje ŭ baćkavym viedamstvie: načalnik upraŭleńnia mižnarodnaha supracoŭnictva MNS.

Ź ciaham času Iryna pierapisała svaju častku doma na maci, Alaksandru Vaščanka. 

Pradajecca jakraz «matčyna» pałova, kala 250 kvadratnych mietraŭ. Za jaje Vaščanki chočuć 1,89 miljona rubloŭ. Heta amal 780 tysiač dalaraŭ!

Pryčyna prodažu nieviadomaja. «Naša Niva» źviazałasia z Alaksandraj Vaščankaj, žonkaj ministra i naminalnaj haspadyniaj vystaŭlenaj na prodaž nieruchomaści. Ale ž jana admoviłasia ad kamientaroŭ.

Čytajcie taksama: Były ministr pradaŭ svoj katedž u Drazdach sa źnižkaj $1 miljon

***

Uładzimir Vaščanka

Naradziŭsia ŭ 1958 hodzie ŭ pasiołku Troicka-Piačorsk, Komi ASSR. Skončyŭ Mahiloŭski mašynabudaŭničy instytut (1983) i kamandna-inžynierny instytut MNS (2002).

Z 1980 da 2010 pracavaŭ u sistemie mahiloŭskich ratavalnikaŭ. Z 2010 — ministr pa nadzvyčajnych situacyjach.

Kamientary9

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U finskim sieryjale rasijanie vysadžvajuć desant z samalota «Biełavija». Što robiać Suomi?

U finskim sieryjale rasijanie vysadžvajuć desant z samalota «Biełavija». Što robiać Suomi?

Usie naviny →
Usie naviny

Prajšoŭ druhi etap abmienu rasijska-ŭkrainskaha abmienu vajennapałonnymi. Abmianiali i adnaho biełarusa2

Stała viadoma, kaho z rasijskich vajskoŭcaŭ lačyli ŭ balnicach Homielščyny ŭ pačatku vajny13

«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca23

«Vy za ŭsio adkažacie». Biełarusam na prajdzie va Urocłavie taksama pahražali nieviadomyja53

«Vakoł vajna, vakoł bušuje. Vaźmicie Finlandyju». Łukašenka pračytaŭ kinošnikam lekcyju pa mižnarodnym stanoviščy10

Jeŭrakamisija prapanuje źnizić vierchniuju miažu cany na naftu1

Telegram: My nikoli nie raskryvali pryvatnyja paviedamleńni trecim asobam6

Da vieteranaŭ śpiecnaza Paŭličenki pryjazdžaŭ niezvyčajny hość: biełarus, ale musulmanin3

Źnikli kryžy na mohiłkach u Hudahai

bolš čytanych navin
bolš łajkanych navin

U finskim sieryjale rasijanie vysadžvajuć desant z samalota «Biełavija». Što robiać Suomi?

U finskim sieryjale rasijanie vysadžvajuć desant z samalota «Biełavija». Što robiać Suomi?

Hałoŭnaje
Usie naviny →

Zaŭvaha:

 

 

 

 

Zakryć Paviedamić