Niaviestka Łukašenki anansavała praciah svajho «Marafona adzinstva» — prajekt «Čas lubić svajo»
Hanna Łukašenka zapeŭnivaje, što jaje akcyi — pieradusim pra luboŭ da Biełarusi i honar za krainu.
Hanna Łukašenka (Siałuk) — žonka Dźmitryja Łukašenki i, adpaviedna, niaviestka Alaksandra Łukašenki — raskazała, što źbirajecca arhanizavać druhi etap «Marafona adzinstva».
«Marafon adzinstva» — ahitacyjnyja kancerty i inšyja ideałahičnyja masavyja mierapryjemstvy, jakija adbyvalisia ŭ 16 bujnych haradach Biełarusi pierad apošnimi pieravybarami Alaksandra Łukašenki.
«My zrazumieli, što ludziam patrebnaje śviata, i jany chočuć abjadnoŭvacca. Mahčyma, my čaściej abjadnoŭvajemsia, kab pahavaryć pra surjoznaje, i nie tak časta sustrakajemsia, kab prosta paradavacca ci abmianiacca niejkimi emocyjami. Tamu ludzi vielmi dobra ŭspryniali prajekt «Razam pracujem, razam śpiavajem» i inšyja farmaty, jakija nieśli śviata i adčuvańnie radaści.
Pakolki i ad Alaksandra Łukašenki prahučała, što heta tolki pieršy etap, bačym, što i ad nasielnictva jość zapyt. Usie žadajuć praciahu. Mahčyma, u nas, naprykład, źjavicca novy prajekt pad nazvaj «Čas lubić svajo», tamu što sapraŭdy taki čas nastaŭ i nastaŭ užo daŭno», — zajaviła Hanna Łukašenka karespandentu BiełTA.
«Siłavikam reśpiekt. Siałusie hańba». Bondarava prydumała mianušku dla niaviestki Łukašenki
«Sam prapanavaŭ joj vyjści na Hannu Siałuk». Palitviazień raskazaŭ pra svaju byłuju žonku — śpiavačku ź milicejskimi pahonami
Bondarava paprasiła prabačeńnia za Siałuk, ale zrabiła heta biez naležnaj pavahi
«Ja nie viedała, chto jana takaja». Bondarava apraŭdvajecca za najezd na niaviestku Łukašenki
Kamientary