Tusk: Infarmacyja ź miažy paćviardžaje, što ZŠA spynili padtrymku Ukrainy
Na pasiadžeńni polskaha ŭrada premjer-ministr krainy Donald Tusk paćvierdziŭ infarmacyju, što ZŠA spynili vajskovuju padtrymku Ukrainy, i heta tyčycca navat tych vajskovych hruzaŭ, jakija ŭžo znachodzilisia ŭ darozie da frontu, u tym liku na terytoryi Polščy.
«Spravazdačy, jakija pastupajuć ź miažy, z našaha chaba ŭ Jasioncy, paćviardžajuć zajavy amierykanskaha boku», — skazaŭ Tusk.
U noč z paniadziełka na aŭtorak pa polskim časie Bieły dom abviaściŭ, što prypyniaje ŭsiu vajskovuju dapamohu dla Ukrainy — u tym liku tuju, što transpartujecca ŭ hetuju krainu i zachoŭvajecca na składach u Polščy — «kab pierakanacca, što jana spryjaje vyrašeńniu» kanfliktu.
«Situacyja surjoznaja, i mnie nie treba nikoha pierakonvać, što jana patrabuje asablivaj kancentracyi z boku ŭrada, — skazaŭ Donald Tusk u pačatku pasiadžeńnia ŭrada 4 sakavika. —
My budziem prymać rašeńni, jakija zapatrabujuć poŭnaj salidarnaści dziaržavy, vašych viedamstvaŭ. Najbližejšyja dni i tydni — heta čas, kali treba prypynić biaspłodnyja dyskusii, prestyžnyja sprečki i kaalicyjnyja nieparazumieńni».
Pavodle jaho słoŭ, urad najbližejšym časam budzie prymać rašeńni «ŭ nadzvyčajnym režymie».
Tusk padkreśliŭ, što «niama nijakaj pryčyny» ličyć, što zajavy amierykanskaha boku — «tolki słovy».
«Spravazdačy, jakija pastupajuć ź miažy, z našaha chaba ŭ Jasioncy, paćviardžajuć zajavy amierykanskaha boku. Heta, viadoma, stavić Jeŭropu, Ukrainu i Polšču ŭ bolš składanuju situacyju, ale my pavinny spravicca ź joj», — zajaviŭ polski premjer.
Maryn Lo Pen raskrytykavała prypynieńnie amierykanskaj vajskovaj dapamohi Ukrainie
Stała viadoma, kaho brytancy ličać vinavatym u svarcy Zialenskaha z Trampam
Paŭza ci kaniec? Što aznačaje rašeńnie ZŠA prypynić dapamohu Ukrainie
Kiraŭnik Pientahona zahadaŭ spynić usie kibierataki suprać Rasii
Tramp prypyniŭ usiu vajskovuju dapamohu Ukrainie
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń82
Kamientary