Apazicyja pačała bojku ŭ sierbskim parłamiencie, jak minimum try čałavieki atrymali ranieńni, piša DW. Deputaty ad apazicyi patrabujuć adstaŭki parłamienta na fonie pratestaŭ u krainie.
Bojka pačałasia prykładna praz hadzinu paśla pačatku pasiadžeńnia. Deputaty pavinny byli prahałasavać za zakon ab roście finansavańnia vyšejšaj adukacyi.
Ale apazicyja zajaviła, što kirujučaja bolšaść płanuje adnačasova ŭchvalić dziasiatki inšych rašeńniaŭ. Jany zajavili, što heta niezakonna, bo spačatku treba paćvierdzić adstaŭku premjer-ministra Miłaša Vučaviča i jahonaha ŭrada. Toj abviaściŭ ab adstaŭcy jašče 28 studzienia.
Apazicyja stała praryvacca da trybuny, śvistać u śvistki, padnimać płakaty z nadpisam «Sierbija paŭstała, kab režym upaŭ!» i vyjavaj skryvaŭlenaj dałoni. Deputaty bilisia z apanientami, zapalili ŭ zale parłamienta dymavyja šaški, kidali jajki i butelki z vadoj. Usio heta tranśliravałasia ŭ žyvym efiry.
Sotni prychilnikaŭ apazicyi sabralisia na mitynh zvonku budynka parłamienta.
Pratesty ŭ Białhradzie i inšych haradach Sierbii praciahvajucca ŭžo bolš za miesiac. Jany pačalisia paśla trahiedyi ŭ horadzie Novi-Sad na poŭnačy Sierbii. Tam 1 listapada praz padzieńnie dachu na čyhunačnym vakzale zahinuli 15 čałaviek.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie13
Kamientary