«Mnie było 15, jamu 27». Dziaŭčyna raskazała, jak biełaruski muzykant razvodziŭ jaje na seks, kali jana była školnicaj
Na fonie abvinavačvańniaŭ rasijskaha repiera Oxxxymiron u razbeščvańni małaletniaj fanatki ŭ internecie pačałasia vialikaja dyskusija pa hetaj temie. Niekatoryja žančyny dzielacca svaim dośviedam — kali ŭ minułym, budučy školnicami, jany taksama sutykalisia ź cikaŭnaściu z boku bolš darosłych mužčyn. Adnoj takoj historyjaj padzialiłasia biełaruska Iłona. Dziaŭčyna raspaviała ŭ tvitary, jak da jaje zalacaŭsia eks-kłavišnik hurta «Mutnajevoka». Na toj momant Kiryłu Taranienku było 27, a Iłonie — 15.
Iłona padrabiazna apisała padziei tych časoŭ: dva tydni jak joj spoŭniłasia 15, jana traplaje na muzyčny fiestyval, dzie ŭ tym liku vystupaŭ hurt «Mutnajevoka». Pa zaviaršeńni kancerta jana padzialiłasia svaimi ŭražańniami ad ich vystupu ŭ anłajn-supołcy, paśla čaho joj u pryvat napisaŭ Kirył.
«Mnie prylataje paviedamleńnie ad nieviadomaha čeła «jak huk?», a ja takaja: «Ty chto ŭvohule?». Potym znajšła i padumała: «Vaŭ, kruta»», — zhadvaje pieršyja emocyi Iłona i dadaje važny bekhraŭnd pra siabie ŭ toj pieryjad:
«U mianie niama siabroŭ, nikoli nie było stasunkaŭ, ja navat nie ŭmieju całavacca. Baćki niama. Doma prablemy. Mnie vielmi brakuje ŭvahi i kachańnia».
Iłona pačała aktyŭna listavacca z muzykam, jaje padkupali znaki ŭvahi artysta. Praz dva dni pierapiski jany navat žartam pačali nazyvać adno adnaho mužam i žonkaj.
«Kali jon napisaŭ, što kachaje mianie, ja dobra pamiataju, što raspłakałasia ad ščaścia», — pryznajecca dziaŭčyna.
Pry hetym Kirył da jaje ŭsio nie pryjazdžaŭ, znachodziačy admazki. Ale zaprasiŭ da siabie na kancert.
«Ja pryjechała za 300 kiłamietraŭ (mnie ŭsio jašče 15 hadoŭ). U kalidory kłuba ŭbačyła jaho i samleła. Ja saromiełasia navat skazać niešta. Jon mianie abniaŭ, spytaŭ, jak ja, skazaŭ adpačyvać. Pamiataju, jak hanaryłasia hetym, bo pobač išli dziaŭčaty i ŭbačyli, jak mianie abdymaje ŭdzielnik hurta. Praz 9-10 miesiacaŭ paśla znajomstva jon zaprasiŭ mianie da siabie. Skazaŭ, što žyvie ź siabram u kvatery siastry siabra. Siabar pajedzie da dziaŭčyny načavać, i my budziem udvuch».
Iłona zhadvaje, što ŭ haściach joj było dyskamfortna i strašna. Jana pajšła spać, a nočču Kirył pryjšoŭ i pačaŭ čaplacca.
«Mianie skoŭvała, ja prosta lažała jak kamień. Jon pačaŭ mianie całavać, ja pamiataju, jak jaho rot zdavaŭsia ŭ razoŭ piać bolšy za moj. Usio ž heta byŭ darosły mužyk i ja — 45 kiłahramaŭ. Jon pačaŭ spuskacca rukoj nižej. Ja dalej lažała jak kamień. Ja ničoha nie mahła skazać i zrabić».
U vyniku, pa słovach dziaŭčyny, Kirył nie dačakaŭsia ad jaje ničoha i masturbiravaŭ pad koŭdraj.
Iłona raskazvaje, što ranicaj źjechała, ale pamiž imi adbyvaŭsia sekścinh (pierasyłka intymnych fotazdymkaŭ i paviedamleńniaŭ).
«Možna padumać, što ja sama ŭsiaho hetaha chacieła. Ale mnie 15, ja była realna dziciom. Mnie padavałasia, što ja asablivaja, kali na mianie źviarnuŭ uvahu darosły kruty dziadźka».
U niejki momant Kirył pryjechaŭ da Iłony ŭ hości sam, i ŭžo atrymaŭ žadany seks.
«Ja znoŭ skamianieła. Jaho nie chvalavała, što lažu jak kamień».
Pa słovach dziaŭčyny, chłopiec zaniaŭsia ź joj analnym seksam.
Iłona kaža, što ŭsia situacyja prynosiła joj bol. Tym bolš, kali Kirył napisaŭ, što ŭ jaho jość žonka. Ale Iłona daravała jamu ŭsio, bo vieryła, što jon jaje kachaje.
«Kali da mianie pačaŭ prajaŭlać uvahu darosły mužyk, i ŭ niejki momant heta pierarasło ŭ niesiabroŭskija razmovy, mnie zdavałasia, što biez seksu ničoha nie moža być. Hetaja prablema mianie pieraśledavała šmat hadoŭ».
Vyrvacca z taksičnych stasunkaŭ dziaŭčynie dapamahli tolki novyja stasunki, i navat u ich muzyka praciahvaŭ nahadvać pra siabie.
«U maim žyćci było vielmi šmat trešu, tamu ja nie viedaju, što mienavita na mianie i jak paŭpłyvała, ale dumaju, što hetyja areli złamali ŭva mnie niešta», — pryznajecca Iłona.
Pry hetym jana padkreślivaje, što nie abvinavačvaje Kiryła ŭ zhvałtavańni, bo jana nie skazała «nie» i da «realnaha» seksu sprava dajšła, kali joj było 16. Ale, na jaje pohlad, kali chłopiec daviedaŭsia, što jana niepaŭnaletniaja, musiŭ adrazu spynić usie padkaty dla dasiahnieńnia seksualnaj mety — tak zvany hruminh.
«Naša Niva» źviarnułasia pa kamientar da Kiryła Taranienki ŭ jaho telehramie, ale jon nijak nie adreahavaŭ na prośbu prakamientavać situacyju. Taksama my nakiravali pytańni inšym udzielnikam hrupy «Mutnajevoka», ź jakimi Kirył pierasiakaŭsia. Kali my atrymajem dadatkovuju infarmacyju pa hetym kiejsie, to apublikujem jaje asobna.
«Kab dzieci nie śmiajalisia, viedajučy bolš, čym my». Biełarusy raskazali pra svajo pałavoje vychavańnie i pieršy seks
«Usio było prosta katastrafična». Žurnalist Tarnalicki skardzicca na pravalnyja sproby znajści sabie paru ŭ dadatkach dla znajomstvaŭ
«Mnie paščaściła. A Lizie — nie». Paśla śmierci biełaruski ŭ Varšavie ŭ siecivie šyrycca chešteh #chopićhvałcić — voś što pišuć
Ciapier čytajuć
Jak u halečy śpivałasia radnia Łukašenki? Małaviadomyja fakty26
Kamientary
Nievierojatno.