Łukašenka nazvaŭ prajekt numar adzin u ekanamičnym supracoŭnictvie z RF
Dakład ab raźvićci dvuchbakovych adnosin pamiž Biełaruśsiu i RF Alaksandru Łukašenku pradstaviła tak zvanaja hrupa Kruty — Areškin (kiraŭnik Administracyi Łukašenki Dźmitryj Kruty i namieśnik kiraŭnika Administracyi prezidenta Rasii Maksim Areškin). Jany kuryrujuć raźvićcio suviaziaŭ pamiž krainami.
Adzin z napramkaŭ supracoŭnictva z RF — raźvićcio čyhunačnych znosin. Budaŭnictva vysakachutkasnych čyhunačnych mahistralaŭ dapamoža nie tolki pavialičyć turystyčnyja patoki, ale i pavysić ekanamičnuju ŭzajemaźviazanaść dźviuch krain. Pakul šlach pamiž Minskam i Maskvoj pa čyhuncy zajmaje bolš za 8 hadzin. Jaho možna skaracić da troch, raspavioŭ Areškin.
«Heta ŭ paradku dnia ŭ nas z Pucinym litaralna pieršaje pytańnie, — zajaviŭ Łukašenka. — Ja jaho ŭvieś čas padšturchoŭvaju navat: navošta kudyści daloka budavać — jość daroha, treba ŭ hetym kirunku. I nie da Minska, a da Bresta. I heta budzie chutka. Jon mianie padtrymlivaje ŭ hetym płanie».
Foty z Maskvy dajuć pabačyć Pucina i Łukašenku biez hrymu15
Kamientary