Śviet3333

«Heta jak bić asła pałkaj pa nosie». Kit Kiełah patłumačyŭ, navošta ZŠA spynili padtrymku Ukrainy

Bieły dom daŭ Ukrainie «sumlennaje papiaredžańnie» pierad tym, jak prezident Donald Tramp zahadaŭ prypynić vajskovuju dapamohu ZŠA i abmien raźvieddanymi z Kijevam, zajaviŭ 6 sakavika śpiecpradstaŭnik prezidenta ZŠA Donalda Trampa va Ukrainie Kit Kiełah. Jon taksama skazaŭ, što hetaja paŭza ŭžo ŭpłyvaje na Kijeŭ, i dadaŭ, što ŭkraincy «sami ŭ hetym vinavatyja», piša Ukrainskaja słužba Bi-bi-si.

Kit Kiełah (sprava) z prezidentam Ukrainy Uładzimiram Zialenskim. Kijeŭ, 20 lutaha 2025 hoda. Fota: AP Photo/Evgeniy Maloletka

Žurnalist spytaŭsia ŭ Kita Kiełaha, jak paŭpłyvaje na Ukrainu spynieńnie vajskovaj dapamohi i nadańnia raźvieddanych, i navošta ZŠA heta zrabili. Kiełah paraŭnaŭ poŭnaje prypynieńnie dapamohi z tym, jak žyviolinu bjuć pa mordzie, kab pryciahnuć jaje ŭvahu.

«Najlepšy sposab apisać heta, — heta jak bić asła pałkaj pa nosie, — skazaŭ Kiełah na mierapryjemstvie ŭ Radzie pa mižnarodnych adnosinach. — Tak vy pryciahniecie jaho ŭvahu».

Jon pryvioŭ jašče adzin prykład, u jakim paraŭnaŭ razmovu z ukraincami z tym, jak dva jahonyja ŭnuki sprabujuć pryciahnuć jahonuju ŭvahu, kali jon adchilajecca ad razmovy, chapajučy jaho za tvar i kažučy: «Dziadula, dziadula, nu pasłuchaj».

Kiełah padkreśliŭ, što heta tolki paŭza. Jon adkryta skazaŭ, što spynieńnie vajskovaj dapamohi Ukrainie — heta cisk, kab pryciahnuć Ukrainu za stoł pieramoŭ na ŭłasnych umovach.

Jon taksama raskazaŭ, što pierad sustrečaj u Avalnym kabiniecie na minułym tydni ŭkraincam vyrazna dali zrazumieć, što pieramovy buduć skancentravany na padpisańni važnaha pahadnieńnia pa karysnych vykapniach.

«My im skazali: «Voś takaja arhanizacyja: voś što vy pavinny skazać, vy zachodzicie, jość pahadnieńnie pra mietały, vy padpisvajecie pahadnieńnie, potym abied, pres-kanfierencyja, i vy možacie być volnyja», — apisaŭ Kiełah padrychtoŭčuju sustreču z udziełam 13 sienataraŭ.

Paśla, ź jahonych słoŭ, sustreča prezidentaŭ u vyniku sarvałasia, tamu što Zialenski pačaŭ prymušać Trampa, jaki sprabuje adyhrać rolu pasiarednika ŭ dasiahnieńni miru pamiž Ukrainaj i Rasiejaj, stać na bok Kijeva.

«Heta pieratvaryłasia ŭ pres-kanfierencyju na 50 chvilin. My skazali, heta nie toje, što pavinna było być, vy nie pavinny byli pieratvarać heta ŭ publičnaje abmierkavańnie mirnych płanaŭ, vam nie treba było čelendžyć prezidenta publična. Ukrainski bok byŭ pra heta papiaredžany», — dadaŭ Kiełah.

«Toje, što adbyłosia, heta jak by skazać z boku prezidenta ZŠA — dobra, vy chočacie hetaha? Budziem hulać u realpolitik», — skazaŭ Kiełah.

Faktyčna jon pryznaŭ, što ŭsie prablemy z pastaŭkami i žyćciova važnymi raźvieddanymi vyklikanyja mienavita toj svarkaj.

Kamientary33

  • .
    08.03.2025
    Mieli b jajcy, bili b rasiejskaha asła pałkaj.
    Błazany.

    Kolki ludziej nie majuć ułasnaj hodnaści i tolki hladziać u rot svajmu bosu/"baćku", apraŭdvajuć jaho duraści...
  • Answer
    08.03.2025
    Kakoj realpolitik v ihrie na storonie putina? Tot fakt, čto Tramp vyzyvajuŝie śmieł so vsiemi, kromie kriemlovskoho fiuriera, bolšie hovorit o samom Trampie.
  • Biełaruś
    08.03.2025
    A po kriemlu počiemu eti trampisty nikak nie b́jut, a liš ližut?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Marakancaŭ, jakija zładzili bojku ŭ Homieli, vysyłajuć z krainy. Pierad hetym praviali publičnuju cyrymoniju ich vysyłki7

Marakancaŭ, jakija zładzili bojku ŭ Homieli, vysyłajuć z krainy. Pierad hetym praviali publičnuju cyrymoniju ich vysyłki

Usie naviny →
Usie naviny

«Kupałaŭcy» anansavali apošniuju ŭ siezonie premjeru — raskazvajem, pra što budzie novy śpiektakl «Valizka»

Ihar Sierhiejenka pieradaŭ Papu abraz u padarunak ad Łukašenki8

Budaŭnictva kaštavała 60 miljonaŭ jeŭra. Što ŭnutry novaha mižnarodnaha vystavačnaha centra ŭ Minsku FOTY4

Dziaŭčynka i dabierman z Maładziečna źbirajuć u tyktoku miljony prahladaŭ2

Žanočaje zdaroŭje: što treba viedać pra dabrajakasnyja ŭtvareńni i ryzyki raku

Jak minimum adzin rasijski dron zalacieŭ nočču ŭ Biełaruś1

Bujnoha biełaruskaha rytejlera mohuć pryznać finansava niepłaciežazdolnym

TASS dvojčy mianiała zahałovak dla kamientara Ejsmant pra pieramovy ŭ Stambule8

Navat u kramie bujnoha saŭhasa, jaki hanarycca svaim uradžajem harodniny, niama bulby, morkvy, cybuli13

bolš čytanych navin
bolš łajkanych navin

Marakancaŭ, jakija zładzili bojku ŭ Homieli, vysyłajuć z krainy. Pierad hetym praviali publičnuju cyrymoniju ich vysyłki7

Marakancaŭ, jakija zładzili bojku ŭ Homieli, vysyłajuć z krainy. Pierad hetym praviali publičnuju cyrymoniju ich vysyłki

Hałoŭnaje
Usie naviny →

Zaŭvaha:

 

 

 

 

Zakryć Paviedamić