«Kapučyna ad 9 rubloŭ u krasaviku-mai — całkam realna». Što budzie z cenami na kavu ŭ Biełarusi

«Filižanka kapučyna pavinna była kaštavać 10 rubloŭ jašče ŭ pačatku hoda»

Pakul niekatoryja absmažčyki i pastaŭščyki strymlivajuć ceny, adznačaje Arciom Piatroŭ, absmažčyk River Roasters.

— Naprykład, brazilskaja kava paŭhoda tamu kaštavała dla nas $7,5—8 za kiłahram, ciapier — $9,5—10, a ŭ mai, pavodle našych prahnozaŭ, dasiahnie $12. Heta čystaja cana ŭ pastaŭščyka, biez uliku łahistyki i inšych vydatkaŭ. Pa sutnaści, za paŭhoda košt syraviny dla nas vyras na 50%, ale pakul udajecca trymać ceny. U najbližejšyja dva miesiacy cenavaha adkatu čakać nie varta. U mai čakajem, što absmažčyki padnimuć canu da 65 rubloŭ za brazilskuju kavu.

Zaraz cana maleńkaha kapučyna ŭ Marks i Embassy trymajecca na ŭzroŭni 7—8 rubloŭ, ale ŭžo ŭ mai heta budzie nižniaja miaža rynku. Pakul što ŭ nas jość zapas syraviny pa starych kantraktach, ale ŭ mai pryjdziecca zakuplacca pa novych, bolš vysokich cenach

«Da kanca 2025 hoda kavavyja astraŭki z barystami ŭ biznes-centrach mohuć źniknuć jak farmat»

Zasnavalnik sietki kaviarniaŭ «Kofie Saund» Mikałaj Čakaŭ prahnazuje, što ŭ Minsku košt kubka kavy ŭ 8,5—9 rubloŭ stanie realnaściu ŭžo ŭ sakaviku. U rehijonach ceny taksama vyrastuć na 1—2 rubli, ale zastanucca na 10—15% nižej za minskija.

Rost cen na kavu najbolš krytyčny dla kaviarniaŭ-astraŭkoŭ u biznes-centrach i mini-kaviarniaŭ da 35 m².

— Kali kapučyna dasiahnie 8,5—10 rubloŭ, mnohija pastajannyja klijenty takich kaviarniaŭ pačnuć ekanomić i, chutčej za ŭsio, admoviacca ad štodzionnaj pakupki. Takija punkty znachodziacca ŭ samaj ryzykoŭnaj zonie. Da kanca 2025 hoda farmat kaviarniaŭ-astraŭkoŭ u biznes-centrach moža praktyčna źniknuć i budzie zamienieny aŭtamatyzavanymi punktami biez udziełu čałavieka.

Kłasičnyja kaviarni z pasadkaj i svajoj kuchniaj zastanucca na płavu, bo klijenty płaciać nie tolki za kavu, ale i za atmaśfieru, servis i stravy. Taksama ŭstojlivymi zastanucca kaviarni ź fiksavanaj nizkaj canoj.

Miesca maleńkich kaviarniaŭ i kavavych astraŭkoŭ mohuć zaniać kaviarni samaabsłuhoŭvańnia.

— Minimalny paroh inviestycyj, adsutnaść vydatkaŭ na barystu i nizkija arendnyja zatraty dazvolać utrymlivać bolš dastupnyja ceny. Naprykład, kapučyna tam budzie kaštavać 4,5—5 rubloŭ.

Dla tych, chto nie zmoža ci nie zachoča płacić za kavu 8,5—10 rubloŭ štodnia, heta moža stać kampramisam pamiž kaviarniaj z barystam i viendynhavym aŭtamatam na paraškovym małace.

Pry hetym Mikita padkreślivaje, što, niahledziačy na rost cen na kavu, ludzi nie pierastanuć jaje pić, prosta buduć vybirać bolš dastupnyja farmaty dla štodzionnych pakupak — i, takim čynam, na biełaruskim kavavym rynku źmienicca rasstanoŭka sił.

Kavavym kampanijam ciapier składana zastavacca ŭ zonie rentabielnaści»

U kampanii Sorso, jakaja pradaje śviežaabsmažanuju kavu, adznačajuć, što rezkija skački suśvietnych cen prymušajuć šukać šlachi bałansu, kab nie pracavać u stratu.

— My pracujem ź biržaj praz trejdaraŭ, i ŭsie vahańni cen adbivajucca na nastupnych zakupkach. Za apošnija paŭtara hoda źnižeńnia cen nie było, naadvarot, adbyvajucca rezkija skački ŭvierch — za hety čas košt syraviny vyras bolš čym na 100%.

Rost sabiekoštu syraviny na 30% aznačaje, što dla zachavańnia efiektyŭnaści treba pavialičyć kančatkovy košt na 15—18%. Adnak rynak nie moža pryniać taki rost, inakš ludzi prosta pierastanuć kuplać kavu.

Vysnova: ludzi nie pierastanuć pić kavu, ale buduć vybirać bolš dastupnyja farmaty. Heta pryviadzie da źmieny situacyi na biełaruskim kavavym rynku.

• 2
• 1
• 2
• 1
• 2
• 4
• 1
• 0