Na fonie padzieńnia akcyj Tesla Tramp nabyvaje mašynu ad Iłana Maska
U suviaźziu z abvastreńniem palityčnych i finansavych prablem Iłana Maska prezident Donald Tramp zajaviŭ, što kupić aŭtamabil Tesla u jahonaj kampanii, piša Associated Press.
Raniej prezident ZŠA abviaściŭ, što źbirajecca kupić novuju Tesla u jakaści «demanstracyi davieru i padtrymki Iłana Maska, sapraŭdy vialikaha amierykanca».
Vydańnie The Washington Examiner apublikavała videa taho, jak Tramp nabyvaje mašynu.
«Pa-pieršaje, heta vydatny pradukt. A pa-druhoje, jon pryśviaciŭ hetamu svaju enierhiju i svajo žyćcio, i ja liču, što ź im abyšlisia vielmi niespraviadliva», — kaža Tramp, stojačy pobač ź miljarderam i jaho maleńkim synam.
10 sakavika Tesla Iłana Maska straciła 15% rynkavaha koštu za adzin dzień. Usiaho za miesiac jana patańnieła na 36%. Heta źviazana jak z rostam kankurencyi na rynku, tak i z bajkotam jaje pradukcyi spažyŭcami na abodva baki akijanu — u adkaz na pazicyju Maska pa Ukrainie.
Kamientary