U Hiermanii aryštavali biełarusku pa padazreńni ŭ dapamozie pry abychodzie sankcyj
Hramadzianku Biełarusi zatrymali ŭ Hiermanii pa padazreńni ŭ abychodzie sankcyj u dačynieńni da Rasii. Niamieckaja mytnia ličyć, što žančyna i dvoje jaje zmoŭščykaŭ z Rasii ekspartavali ŭ Rasiju 192 darahija aŭtamabili na sumu 21,4 miljona jeŭra, piša Reform.news.
12 krasavika supracoŭniki Mytnaha śledčaha ŭpraŭleńnia Bierlin-Brandenburh pa daručeńni prakuratury Bierlina praviali piać pieratrusaŭ u Špandau i Łandschucie (Bavaryja) i zatrymali 46-hadovuju hramadzianku Biełarusi.
Śledstva miarkuje, što z 5 krasavika 2022 hoda žančyna i dva saŭdzielniki ekspartavali ŭ Rasieju luksavyja aŭtamabili.
Z 15 sakavika 2022 hoda ekspart u RF pradmietaŭ raskošy, u tym liku aŭtamabilaŭ, daražejšych za 50 tysiač jeŭra, byŭ zabaronieny sankcyjami, a z 24 červienia 2023-ha zabarona raspaŭsiudziłasia na ŭsie aŭtamabili.
Kab abyści zabaronu, biełaruska paznačała, što mašyny adpraviacca nie ŭ Rasiju, a ŭ Biełaruś, Kyrhyzstan, Tadžykistan i Uźbiekistan. Adnak 186 z ekspartavanych aŭtamabilaŭ byli paźniej zarehistravanyja ŭ Rasii. Śledstva pryjšło da vysnovy, što jany pieršapačatkova pryznačalisia dla rasijskaha rynku, a trecija krainy słužyli tranzitnymi punktami, paviedamlaje pressportal.
Biełarusku ŭziali pad vartu, bajučysia, što jana moža ŭciačy. Padčas pieratrusaŭ kanfiskavanyja čatyry aŭtamabili premium-kłasa, dva pryčepy-refryžeratary, a taksama dakumienty i nośbity danych.
Niamieckija pravaachoŭniki ličać, što biełaruska i jaje saŭdzielniki mahli vyvieźci z Hiermanii 192 aŭtamabili ahulnym koštam 21,4 miljona jeŭra.
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary