U Ivana-Frankoŭsku adbyŭsia terakt, vybuchoŭka ŭzarvałasia ŭ rukach padletkaŭ
Uviečary 11 sakavika na vulicy Pryvakzalnaj u Ivana-Frankoŭsku kala žyłoha doma adbyŭsia vybuch. Padčas jaho adzin čałaviek zahinuŭ, jašče troje byli traŭmavanyja. Ciapier ukrainskija pravaachoŭniki rasśledavali i paviedamili, što tam adbyłosia, paviedamlaje «Ukrainskaja praŭda».
SBU i Nacyjanalnaja palicyja śćviardžajuć, što hety terakt arhanizavali rasijskija śpiecsłužby: jany dystancyjna ŭzarvali dvuch zavierbavanych padletkaŭ 17 i 15 hadoŭ, jakija pieranosili vybuchoŭku da miesca zakładki. U vyniku vybuchu adzin ź ich zahinuŭ, a druhi atrymaŭ ciažkija ranieńni. Taksama paciarpieli dvoje vypadkovych minakoŭ.
«Słužba biaśpieki i Nacyjanalnaja palicyja «pa haračych śladach» vyśvietlili abstaviny i vykanaŭcaŭ teraktu, jaki 11 sakavika hetaha hoda RF ździejśniła ŭ centry Ivana-Frankoŭska. Pavodle najaŭnych źviestak, uviečary taho dnia rasijskaja śpiecsłužba ŭzarvała dvuch ułasnych ahientaŭ, jakija pieranosili samarobnaje vybuchovaje prystasavańnie (SVP) u rajonie čyhunačnaha vakzała», — śćviardžajecca ŭ aficyjnym paviedamleńni.
Śledstva vyjaviła, što 15-hadovy i 17-hadovy žychary Ivana-Frankoŭska znajšli ŭ telehramie lohkuju «pracu». Za jaje im nibyta abiacali 1700 dalaraŭ.
Praz rasijskija kanały chłopcaŭ nibyta zavierbavali śpiecsłužby RF, jakija daručyli im vyrabić samarobnyja vybuchovyja prystasavańni. Paśla jany pa instrukcyi kuratara źniali kvateru niepadalok ad čyhunačnaha vakzała, dzie vyrabili vybuchoŭku i padrychtavali dźvie pryłady, zamaskiravanyja pad termasy.
Adnu z vybuchovych pryład padletki pavinny byli pakinuć u peŭnym punkcie horada. Adnak pa darozie da miesca zakładki, prykładna ŭ 18:30, rasijskija śpiecsłužby dystancyjna aktyvavali vybuchoŭku ŭ pakiecie chłopcaŭ.
17-hadovy junak zahinuŭ na miescy, a jahony 15-hadovy saŭdzielnik atrymaŭ ciažkija ranieńni. Vybuchovaj chvalaj byli traŭmavanyja jašče dvoje minakoŭ, jakija znachodzilisia pablizu. Heta 20-hadovy mužčyna i 23-hadovaja žančyna.
Adnačasova była dystancyjna ŭzarvanaja druhaja vybuchoŭka, pakinutaja na zdymnaj kvatery.
Ciapier 15-hadovamu fihurantu źbirajucca vystavić padazreńnie pa niekalkich artykułach Kryminalnaha kodeksa Ukrainy, jakija praduhledžvajuć pažyćciovaje źniavoleńnie z kanfiskacyjaj majomaści. Taksama śledstva vyvučaje rolu dvuch 15-hadovych dziaŭčat, jakija mahli być datyčnyja da padrychtoŭki teraktu.
Jak na zamovu FSB płanavali vykraści Chrysta Hrozieva — detali špijonskaj apieracyi, jakaja ciahnułasia dva hady
SBU vykryła bolš za 100 ahienturnych sietak. Rasijskija ahienty płanavali zabić Zialenskaha, Budanava i kiraŭnika samoj SBU
SBU vykryła ŭ svaich šerahach rasijskaha ahienta — kiraŭnika štaba Antyterarystyčnaha centra
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
1. Hety fienomien źviazany z błohierstvam, i tym, što možna nie pracavać, ničoha nie viedać, niešta tam chajpavać i mieć lohkija hrošy. Źviazana heta i ź instytutam telehram zarobkaŭ, zakładčykaŭ narkoty i inšaha tieleha-kryminału.
2. Heta staraja źjava taksama. Heta ŭzrost, kali ludzi nie bajacca ni svajoj śmierci, ni čužoj. Nie darma, u hetym uzroście pačynali słužbu ŭ vojskach (da 21 stahodździa) u Brytanii, Francyi (Napaleon aficer u 16 hadoŭ), Hiermanii, Polšča (Lvoŭskija arlaty), Rasijskaj Impieryi i znakamityja padletki sałdaty DR Konha.. I ŭsiudy padletki pakazali siabie dobrymi sałdatami.
3. Biezumoŭna, što tut jość faktar taho, što padletki žadajuć być zadziejničanyja ŭ vajnie, ale byŭšy vykinutyja zababonami hramadstva za bort padziej (hałoŭnych padziej ich žyćcia) i žadajučy stać udzielnikami padziej luboj canoj, jany stanavicca lohkaj zdabyčaj manipulataraŭ. Možna ŭzhadać uspaminy Vysockaha ab pakaleńni padletkaŭ vajny -
A v podvałach i połupodvałach
Riebiatiškam chotiełoś pod tanki.
Nie dostałoś im dažie po pule,
V riemiesłuchie živi da tuži.
Ni dierznuť, ni risknuť, no risknuli -
Iz napilnikov diełať noži.
usio heta taksama pa sutnaści PTSR.