Prezident ZŠA Donald Tramp paabiacaŭ uvieści 200%-ja myty na impart jeŭrapiejskich ałkaholnych napojaŭ, kali Jeŭrasajuz nie admovicca ad svajho namieru ŭstalavać 50%-y zbor na amierykanski viski. Zbor hety staŭ adkazam na 25%-ja pošliny, jakimi Tramp abkłaŭ pastaŭki jeŭrapiejskich stali i aluminiju.
«Jeŭrapiejski Sajuz, adna z samych varožych i niadobrasumlennych padatkovych i taryfnych ustanoŭ u śviecie, jaki byŭ stvorany z adzinaj metaj — vykarystoŭvać Złučanyja Štaty ŭ svaich intaresach, tolki što ŭvioŭ ahidnuju 50%-ju mytu na viski, — napisaŭ Tramp u svajoj sacsietcy Truth Social. —
Kali hetaje myta nie budzie nieadkładna skasavanaje, ZŠA nieŭzabavie ŭviaduć 200%-ju mytu na ŭsie viny, šampanskaje i ałkaholnyja napoi, jakija pastupajuć z Francyi i inšych krain, jakija pradstaŭlajuć ES. Heta budzie cudoŭna dla vytvorcaŭ vina i šampanskaha ŭ ZŠA».
Reakcyja Trampa stała adkazam na rašeńnie Jeŭrasajuza abkłaści 50%-mi mytami amierykanski viski, matacykły Harley-Davidson i inšyja tavary na sumu 26 miljardaŭ jeŭra ($28 miljardaŭ). Taki metanakiravany adkaz ES padrychtavaŭ u adkaz na 25%-ja taryfy suprać stali i aluminiju, jakija pa rašeńni Trampa ŭstupili ŭ siłu apoŭnačy 12 sakavika.
Takim čynam, za paŭtara dnia staŭki mahčymych mytaŭ u handlovaj vajnie ŭźlacieli ŭ vosiem razoŭ.
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 20263
Kamientary