Sierbskaja apazicyja abvinavaciła ŭłady ŭ vykarystańni zabaronienaj hukavoj zbroi suprać pratestoŭcaŭ
U siecivie źjavilisia videa, na jakich, jak śćviardžajecca, — sierbskija pratestoŭcy. Jany dziŭna siabie pavodziać — raptoŭna, jak pa kamandzie, biahuć u roznyja baki. Sierbskija ŭłady prakamientavali situacyju.
Učora padčas 15-chvilinnaj akcyi maŭčańnia ŭ Białhradzie ŭ niejki momant adbyłosia niezrazumiełaje — niejki šum, jaki zrušyŭ natoŭp. U sacsietkach pisali pra huk, ad jakoha «stynie kroŭ u žyłach».
«Słabodnaja Bosna» paviedamiła, što heta była hukavaja harmata — zabaronienaja zbroja, jakuju režym Alaksandra Vučyča vyrašyŭ vyprabavać na studentach-pratestoŭcach.
«Žudasny dośvied: niby huk biŭ u hrudzi i hałavu. Potym pačałasia ciskanina. Ludzi biehali, padali, kryčali. My byli kala vitryny i pad ciskam ludziej ledź nie raźbili ciełam škło», — napisała ŭ sacsietkach žančyna, jakaja nibyta takoje pieražyła.
Lider partyi «Srce» Zdraŭka Ponaš taksama abviaściŭ, što na akcyi pratestu ŭ Białhradzie była vykarystanaja hukavaja harmata.
«Vy vykarystoŭvali hukavuju harmatu. Vy stralali ŭ hramadzian, kali jany moŭčki addavali daninu pamiaci achviaram vašaha režymu. Vy stralali ŭ ludziej, jakija mirna pratestavali. Vy nie vytrymali. Heta vaš mir, stabilnaść!» — napisaŭ jon u sietcy «Ch».
Ministerstva abarony Sierbii ŭ svaju čarhu adkazała na hetyja abvinavačańni ab vykarystańni hukavoj harmaty padčas pratestaŭ 15 sakavika.
Tam zajavili, što ministerstva abarony i ŭzbrojenyja siły Sierbii «nie vykarystoŭvali i nie vykarystoŭvajuć hukavyja harmaty i inšyja srodki, nie praduhledžanyja zakonam».
Što takoje hukavaja harmata?
Heta nieśmiarotnaja zbroja, jakaja vypramieńvaje intensiŭnyja hukavyja chvali ŭ peŭnym kirunku, i moža vyklikać u paciarpiełych hałaŭny bol, młosnaść, dezaryjentacyju, a ŭ niekatorych vypadkach mahčyma niezvarotnaje paškodžańnie słychu. Jość roznyja typy hukavych harmat, i ich vykarystańnie zaležyć ad častaty i hučnaści huku, jaki jany vyrablajuć.
-
Naŭsieda: Ja budu siarod tych, chto najbolš žorstka patrabuje padaŭžeńnia sankcyj ES suprać Biełarusi
-
Bił i Chiłary Klintan pahadzilisia dać pakazańni Kanhresu ab suviaziach z Epštejnam. Admova pahražała im kryminalnaj spravaj
-
U Jeŭropie raście razryŭ u praciahłaści žyćcia pamiž rehijonami. U čym pryčyny?
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?3
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary