Śviet11

U Minabarony Polščy nie vyklučyli miniravańnia miažy ź Biełaruśsiu 

Namieśnik ministra abarony Polščy Paveł Bejda rastłumačyŭ, čamu jahonaja kraina vyrašyła vyjści z Ataŭskaj kanviencyi, jakaja zabaraniaje supraćpiachotnyja miny, i nie vyklučyŭ, što miaža ź Biełaruśsiu, a taksama z Rasijaj, budzie zaminiravanaja, piša «Biełsat».

Na polska-biełaruskaj miažy. Fota: Ansgar Haase picture alliance via Getty Images 

18 sakavika ministry abarony Estonii, Łatvii, Litvy i Polščy vypuścili sumiesnuju zajavu pra vychad hetych krain z Ataŭskaj kanviencyi. Jana praduhledžvaje admovu ad vykarystańnia supraćpiachotnych minaŭ, spynieńnie ich vytvorčaści i źniščeńnie zapasaŭ.

Litva dałučyłasia da hetaj damovy ŭ 2003 hodzie, u nastupnym hodzie — Estonija, u 2005-m — Łatvija. Polšča ratyfikavała damovu ŭ 2021-m.

Z tych časoŭ, jak adznačajecca ŭ zajavie ministraŭ abarony, «situacyja ź biaśpiekaju ŭ našym rehijonie istotna pahoršyłasia»:

«Vajennyja pahrozy ŭ dačynieńni krainaŭ-členaŭ NATA, što miažujuć z Rasijaj i Biełaruśsiu, istotna vyraśli. Z uvahi na takuju niestabilnuju situacyju ŭ śfiery biaśpieki, źviazanaj z ahresijaj Rasii i stałaj pahrozaj, što jana ŭjaŭlaje dla jeŭraatłantyčnaj supolnaści, nadzvyčaj važna vyznačyć usie zachady, jakija mohuć być užytyja dziela ŭmacavańnia našaha patencyjału strymlivańnia i abarony».

Kiraŭniki Minabarony čatyroch krain vyrašyli, što dazvoł na vykarystańnie supraćpiachotnych minaŭ daść uzbrojenym siłam «hnutkaść i mahčymaść vybaru» dla ŭmacavańnia abarony.

«Naša pastanova dasyłaje vyrazny sihnał: našyja krainy hatovyja i zdolnyja vykarystoŭvać lubyja srodki, nieabchodnyja dla achovy našaj terytoryi i svabody», — padkreślili ministry.

U efiry polskaha radyjo RMF FM namieśnik kiraŭnika Minabarony Polščy Pavieł Bejda zajaviŭ, što krainam rehijonu «nie pakinuli vybaru»:

«Situacyja na miažy surjoznaja. Ja kažu pra polska-biełaruskuju i polska-rasijskuju miažu. Biełaruś znachodzicca na pavadku ŭ Rasii: što skaža Pucin, na toje i pahodzicca Łukašenka. Źviarnicie ŭvahu, ź jakoha kirunku była atakavanaja Ukraina. Z boku Biełarusi».

Čynoŭnik taksama paviedamiŭ, što ciapier Polšča nie maje supraćpiachotnych minaŭ, ale kraina zdolnaja ich vypuskać. Jon nie vyklučyŭ, što takich minaŭ budzie vyrablena niekalki socień tysiač abo navat miljon.

Kamientary1

  • Andy
    19.03.2025
    Davno pora było!
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Vieniesuełka, jakaja pracuje na BT, raspaviała, čamu jaje siamja dumaje, što jana ŭ Biełarusi vielmi bahataja. Pryčyny vas ździviać6

Vieniesuełka, jakaja pracuje na BT, raspaviała, čamu jaje siamja dumaje, što jana ŭ Biełarusi vielmi bahataja. Pryčyny vas ździviać

Usie naviny →
Usie naviny

Padjom a 4-j ranicy — novy trend: askieza i kult pracazdolnaści adnačasova14

Finski blin u duchoŭcy — śniadanak dla tych, chto nie choča stajać la plity cełuju viečnaść2

U novy handlovy centr, što adkryŭsia ŭ «Minsk-Śviecie», možna trapić praź mietro3

U Brazilii va ŭzroście 116 hadoŭ pamierła najstarejšaja žančyna ŭ śviecie4

Ukraina i ZŠA padpisali pahadnieńnie pa pryrodnych resursach13

Na BMZ rabotnikaŭ niekatorych cechaŭ stali adpraŭlać u adpačynki za svoj košt1

Takier Karłsan abvinavaciŭ Zialenskaha ŭ datyčnaści da zamachu na Trampa14

Kałabaranta z Novaj Kachoŭki, jaki maciukaŭsia na kamieru, zatrymali za «reabilitacyju nacyzmu»4

«Vyzvaleńnie adnaho — heta krok napierad». Cichanoŭskaja prakamientavała vyzvaleńnie Ziankoviča6

bolš čytanych navin
bolš łajkanych navin

Vieniesuełka, jakaja pracuje na BT, raspaviała, čamu jaje siamja dumaje, što jana ŭ Biełarusi vielmi bahataja. Pryčyny vas ździviać6

Vieniesuełka, jakaja pracuje na BT, raspaviała, čamu jaje siamja dumaje, što jana ŭ Biełarusi vielmi bahataja. Pryčyny vas ździviać

Hałoŭnaje
Usie naviny →

Zaŭvaha:

 

 

 

 

Zakryć Paviedamić