Свет11

У Мінабароны Польшчы не выключылі мініравання мяжы з Беларуссю 

Намеснік міністра абароны Польшчы Павэл Бэйда растлумачыў, чаму ягоная краіна вырашыла выйсці з Атаўскай канвенцыі, якая забараняе супрацьпяхотныя міны, і не выключыў, што мяжа з Беларуссю, а таксама з Расіяй, будзе замініраваная, піша «Белсат».

На польска-беларускай мяжы. Фота: Ansgar Haase picture alliance via Getty Images 

18 сакавіка міністры абароны Эстоніі, Латвіі, Літвы і Польшчы выпусцілі сумесную заяву пра выхад гэтых краін з Атаўскай канвенцыі. Яна прадугледжвае адмову ад выкарыстання супрацьпяхотных мінаў, спыненне іх вытворчасці і знішчэнне запасаў.

Літва далучылася да гэтай дамовы ў 2003 годзе, у наступным годзе — Эстонія, у 2005-м — Латвія. Польшча ратыфікавала дамову ў 2021-м.

З тых часоў, як адзначаецца ў заяве міністраў абароны, «сітуацыя з бяспекаю ў нашым рэгіёне істотна пагоршылася»:

«Ваенныя пагрозы ў дачыненні краінаў-членаў НАТА, што мяжуюць з Расіяй і Беларуссю, істотна выраслі. З увагі на такую нестабільную сітуацыю ў сферы бяспекі, звязанай з агрэсіяй Расіі і сталай пагрозай, што яна ўяўляе для еўраатлантычнай супольнасці, надзвычай важна вызначыць усе захады, якія могуць быць ужытыя дзеля ўмацавання нашага патэнцыялу стрымлівання і абароны».

Кіраўнікі Мінабароны чатырох краін вырашылі, што дазвол на выкарыстанне супрацьпяхотных мінаў дасць узброеным сілам «гнуткасць і магчымасць выбару» для ўмацавання абароны.

«Наша пастанова дасылае выразны сігнал: нашыя краіны гатовыя і здольныя выкарыстоўваць любыя сродкі, неабходныя для аховы нашай тэрыторыі і свабоды», — падкрэслілі міністры.

У эфіры польскага радыё RMF FM намеснік кіраўніка Мінабароны Польшчы Павел Бэйда заявіў, што краінам рэгіёну «не пакінулі выбару»:

«Сітуацыя на мяжы сур'ёзная. Я кажу пра польска-беларускую і польска-расійскую мяжу. Беларусь знаходзіцца на павадку ў Расіі: што скажа Пуцін, на тое і пагодзіцца Лукашэнка. Звярніце ўвагу, з якога кірунку была атакаваная Украіна. З боку Беларусі».

Чыноўнік таксама паведаміў, што цяпер Польшча не мае супрацьпяхотных мінаў, але краіна здольная іх выпускаць. Ён не выключыў, што такіх мінаў будзе выраблена некалькі соцень тысяч або нават мільён.

Каментары1

  • Andy
    19.03.2025
    Давно пора было!
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Жэня ў нас ногі страціў». На парад у Мінск прыехалі вагнераўцы-беларусы — расказваем, хто яны15

«Жэня ў нас ногі страціў». На парад у Мінск прыехалі вагнераўцы-беларусы — расказваем, хто яны

Усе навіны →
Усе навіны

Андрэй Лемяшонак назваў Свята-Елісавецінскі манастыр «баявой адзінкай»6

Праваабаронцы: Палітвязням адной з калоній пачалі актыўна прапаноўваць пісаць прашэнні аб памілаванні2

Рыжанкоў прачытаў верш па-беларуску да Дня Перамогі18

Азіяцкі матылёк паеў самшыт на Берасцейшчыне2

Лукашэнка пра парад Перамогі ў Маскве: Гэта самы лепшы, самы моцны парад8

Лукашэнка: Расія даўно гатовая не проста да перамір’я ва Украіне, а да заключэння міру14

У Мінску адмянілі танкавы фестываль ад Lesta на 9 Мая. А абяцалі «мегападзею»5

Італьянскі інжынер прыдумаў, як прыўзняць Венецыю на 30 сантыметраў

Каля Пуціна пасадзілі марпеха, якога вінавацяць у забойствах у Марыупалі4

больш чытаных навін
больш лайканых навін

«Жэня ў нас ногі страціў». На парад у Мінск прыехалі вагнераўцы-беларусы — расказваем, хто яны15

«Жэня ў нас ногі страціў». На парад у Мінск прыехалі вагнераўцы-беларусы — расказваем, хто яны

Галоўнае
Усе навіны →

Заўвага:

 

 

 

 

Закрыць Паведаміць