Pres-słužba MUS paviedamlaje, što supracoŭniki HUBAZiK MUS zatrymali 15 lidaraŭ i aktyvistaŭ niezakonnaj arhanizacyi. Jaje jačejki dziejničali ŭ niekalkich abłasnych centrach krainy.
Paviedamlajecca, što jany viali aktyŭnuju dziejnaść pa pryciahnieńni novych paśladoŭnikaŭ u stvorany imi psieŭdarelihijny ruch, pravodzili płatnyja «sieminary-treninhi». Skarystoŭvajučy roznyja mietady psichałahičnaha ŭździejańnia, pierakonvali hramadzian adračysia ad svajho vieravyznańnia.
Zaznačajecca, što emacyjna ŭraźlivym ludziam abiacali dapamohu, pry hetym abaviazvajučy ich na pastajannaj asnovie pieradavać «dabradziejam» značnyja sumy hrošaj. Akramia manipulacyi darosłymi, lidary siekty pravodzili zaniatki i dla niepaŭnaletnich.
Pry ahladzie miescaŭ pražyvańnia i pamiaškańniaŭ hałoŭnaha ofisa arhanizacyi ŭ Minsku było kanfiskavana bolš za 100 tysiač rubloŭ, atrymanych ad achviar, a taksama roznaja litaratura.
Śledčymi zaviedziena kryminalnaja sprava za niezakonnuju arhanizacyju dziejnaści hramadskaha abjadnańnia, relihijnaj arhanizacyi abo fondu, albo za ŭdzieł u ich dziejnaści.
Ciapier čytajuć
U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć6
Kamientary