Były premjer-ministr Biełarusi Raman Hałoŭčanka, niadaŭna pryznačany staršynioj praŭleńnia Nacyjanalnaha banka, padčas narady z kiraŭnikami biełaruskich bankaŭ zajaviŭ, što ŭ jahonym viedamstvie nie nazirajuć nijakich prykmiet pierahrevu biełaruskaj ekanomiki.
«U ciapierašni čas Nacyjanalny bank nie naziraje prykmiet tak zvanaha pierahrevu ekanomiki, jakija patrabujuć uzmacnieńnia strohaści hrašova-kredytnaj palityki. Bolšaść indykataraŭ znachodziacca ŭ niejtralnaj zonie i, adpaviedna, nie patrabujuć aktyŭnych dziejańniaŭ u halinie manietarnaj palityki», — zajaviŭ Hałoŭčanka.
Praŭda, pry hetym «jość asobnyja momanty, jakija treba danaładzić u pracoŭnym paradku», a taksama Nacyjanalny bank budzie «ŭvažliva adsočvać makraekanamičnuju situacyju i pry nieabchodnaści apieratyŭna prymać adpaviednyja miery».
U toj ža čas u bankaŭ nie nadta dobra iduć spravy z padtrymkaj ekanomiki.
Za dva miesiacy 2024 hoda pryrost zapazyčanaści jurydyčnych asob pa doŭhaterminovych kredytach u krainie skłaŭ 1,2%. Pry hetym u 10 bankaŭ hety pakazčyk źniziŭsia, choć u vaśmi z hetych 10 nazirajecca rost spažyvieckaha kredytavańnia.
Hałoŭčanka maje namier ukaranić sistemu acenki ŭkładu ŭ ekanomiku krainy kožnaha z bankaŭ:
«Niezaležna ad formy ŭłasnaści i ŭłaśnikaŭ, dziejnaść bankaŭ maksimalna pavinna być nakiravanaja na intaresy nacyjanalnaj ekanomiki. Adznaču, što šerah bankaŭ nie ŭ poŭnaj miery zadziejničaŭ hetych metaŭ svoj unutrany patencyjał, što niehatyŭnym čynam adbivajecca na ŭzroŭni ich sistemnaj značnaści.
[…] Užo ŭ biahučym hodzie budzie sfarmiravanaja i pačnie dziejničać sistema acenki ŭkładu kožnaha z bankaŭ u realizacyju zadač sacyjalna-ekanamičnaha raźvićcia krainy.
Asnoŭny akcent, naturalna, na vykanańni pastaŭlenych prezidentam krainy zadač pierad bankaŭskaj sistemy. Kantrol za dziejańniami i rašeńniami, jakija prymajucca kiraŭnikami bankaŭ pa ich vykanańniu, budzie ŭzmocnieny. Pry hetym budzie vykanany pryncyp niejtralnaści i abjektyŭnaść».
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»19
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
nasielenijabankirov, kotoryje s ručkoj v rukach konśpiektirovali každoje jeho słovo.