Tramp skasoŭvaje pravavy status 530 tysiač kubincaŭ, haicianaŭ, nikarahuancaŭ i vieniesuelcaŭ
Mihranty, jakija nie majuć zakonnych padstavaŭ dla znachodžańnia ŭ ZŠA, papiaredžanyja ab nieabchodnaści pakinuć krainu da 24 krasavika, kali ich dazvoły na pracu i abarona ad departacyi buduć skasavanyja.
Administracyja prezidenta ZŠA Donalda Trampa zajaviła, što pazbavić časovaha pravavoha statusu bolš za paŭmiljona mihrantaŭ z Kuby, Haici, Nikarahua i Vieniesueły, piša Bi-bi-si.
Mihranty, jakija nie majuć zakonnych padstavaŭ dla znachodžańnia ŭ ZŠA, papiaredžanyja ab nieabchodnaści pakinuć krainu da 24 krasavika, kali ich dazvoły na pracu i abarona ad departacyi buduć skasavanyja.
U 2022 hodzie administracyja prezidenta Džo Bajdena zapuściła prahramu CHNV pa lehalizacyi mihrantaŭ. Tym, chto mieŭ amierykanskich sponsaraŭ, a taksama blizkim svajakam mihrantaŭ, dazvalałasia pryjechać u ZŠA i zastavacca tam na praciahu dvuch hadoŭ z časovym imihracyjnym statusam, jaki daje dazvoł na ŭjezd i časovaje znachodžańnie.
Administracyja Bajdena śćviardžała, što heta dapamoža strymać nielehalnaje pierasiačeńnie miažy na poŭdni ZŠA.
Usiaho ŭ miežach prahramy CHNV u ZŠA pryjechali 530 tysiač mihrantaŭ. Nieviadoma, kolki ź ich zmahli atrymać inšy pravavy status, jaki dazvalaŭ by im zastavacca ŭ krainie na zakonnych padstavach.
Donald Tramp prypyniŭ prahramu adrazu paśla taho, jak ustupiŭ na pasadu.
A ŭ piatnicu Ministerstva ŭnutranaj biaśpieki ZŠA abvinavaciła čynoŭnikaŭ papiaredniaj administracyi ŭ tym, što jany nibyta «pradstaŭlali mihrantam mahčymaść kankuravać za pracoŭnyja miescy i ŭciskali amierykanskich pracaŭnikoŭ».
U toj ža čas u paviedamleńni Fiederalnaha rejestra ZŠA havorycca, što niekatorym z tych, chto znachodzicca ŭ ZŠA pa prahramie CHNV, moža być dazvolena zastacca «ŭ kožnym kankretnym vypadku».
Raniej paviedamlałasia, što Tramp taksama razhladaje mahčymaść skasavańnia časovaha pravavoha statusu kala 240 tysiač ukraincaŭ, što ŭciakli ŭ ZŠA padčas kanfliktu z Rasijaj.
Ciapier čytajuć
Biełaruska kliča na viasielle zorku «Univiera», jaki za vajnu. Uprehsia ŭvieś Threads7
Kamientary