Ministr lasnoj haspadarki Alaksandr Kulik asabista pravieryŭ, jak idzie prodaž biarozavaha soku ŭ Minsku, paviedamlaje pres-słužba Minlashasa.
Kiraŭnik lasnoj haliny naviedaŭ niekalki handlovych punktaŭ, dzie arhanizavany prodaž siezonnaha napoju. Na placoŭcy pa adrasie vuł. Cimirazieva, 118, dzie sok realizuje Barysaŭski dośledny lashas, ministru raspaviali, što tolki za ŭčorašni dzień było pradadziena 6 ton.
Raniej paviedamlałasia, što śviežy biarozavik pavinien pradavacca ŭ Minsku pa 50 kapiejek za litr.
Na vulicy Bahracijona, 70, dzie Minski lashas tradycyjna ŭ śniežni handluje navahodnimi jełkami, a ŭ sakaviku — biarozavym sokam, za dzień pradali 17 ton napoju. «Byvaje, i pa 20 ton za sutki pradajom. Jašče nie było vypadku ŭ hetym siezonie, kab kamu-niebudź nie chapiła», — zapeŭnili pradstaŭniki lashasa, udakładniŭšy, što jany zaŭsiody pracujuć da apošniaha pakupnika.
Na hetaj placoŭcy naviedvalnikaŭ, choć i było ŭ razy bolš, čym na papiaredniaj, ale nazvać čarhu krytyčnaj nielha, adznačyli ŭ Minlashasie.
«Prama na vačach u ministra adzin z pakupnikoŭ nabyŭ 25 (!) piacilitrovych butelek soku. Tym nie mienš, takimi abjomami Minski lashas nie ździviš. Astatnim pakupnikam davodzicca krychu pačakać», — źviarnuli ŭvahu ŭ viedamstvie.
Alaksandr Kulik taksama płanavaŭ acanić handal Staŭbcoŭskaha lashasa ŭ Minsku na placoŭcy kala handlovaha centra «Tytan», ale pryjechaŭ jašče da adkryćcia handlovaj kropki. Režym pracy ŭ abjekta abmiežavany — z 14:00 da 18:00. Heta vyklikała nierazumieńnie.
«Handal pavinien vieścisia minimum z 11-j ranicy!» — pakrytykavaŭ padychod kiraŭnictva Stołbcaŭskaha lashasa ministr.
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ1
Kamientary