Atmaśfierny trejler hulni pra staražytny Turaŭ vyjšaŭ na biełaruskaj movie
Minskaja indy-studyja Qualestory Games praciahvaje padahravać cikavaść da svajho ambicyjnaha prajekta.
Raspracoŭščyki hulni Tales of Meadows (Apaviadańni pra łuhi) vypuścili kiniematahrafičny trejler na biełaruskaj movie.
Pieršy varyjant trejlera hulni pra staražytny Turaŭ vyjšaŭ dva tydni tamu na ruskaj. Tady mnohija hledačy paprasili ahučyć videa i pa-biełarusku. Zrabić heta raspracoŭščykam dapamahła kamanda «Moj rodny kut».
Hulniu Tales of Meadows (Kazki pra łuhi) pra Turaŭskaje kniastva XIII stahodździa raspracoŭvaje nievialikaja minskaja indy-studyja Qualestory Games. Heta histaryčnaja pryhodnickaja RPG z adkrytym śvietam.
Dziejańnie ŭ hulni budzie razhortvacca ŭ adnym z najstaražytniejšych biełaruskich haradoŭ — Turavie, stalicy kaliści ŭpłyvovaha kniastva. Hulcy voźmuć na siabie rolu rycara Filipa, syna pasadnika, jakomu treba budzie razhadvać tajamnicu staražytnaha ordena, vyratavać baćku i pieramahčy vorahaŭ.
Siužetnaja linija Tales of Meadows budzie davoli karotkaj — usiaho 4-5 hadzin, ale jaje kampiensuje adkryty śviet biełaruskaha minułaha. Natchnieńnie raspracoŭniki čerpali ŭ takich papularnych AAA-prajektach, jak Assassin's Creed i «Viadźmak».
Data vychadu hulni pakul nie abvieščana, ale jaje ŭžo možna dadać u žadanaje ŭ kramie Steam.
-
Ultymatum Pucinu z łaźni i abmierkavańnie burhieraŭ. Novyja parodyi na Łukašenku rvuć instahram
-
Fiaduta: Praz toje, što knihi i rukapisy palać nie publična, jak u fašysckaj Hiermanii, a tajemna, režymy nie robiacca mienš fašysckimi
-
A što z Volhaj Niafiodavaj, jakuju ŭ kreśle mastackaha kiraŭnika Kupałaŭskaha zamianiŭ rasijanin?
Kamientary
Heta paŭdnievaja forma ŭ jakoj niama Akańnia ale prysutničaje dyftonh "ije".