Sacsietka Facebook abnaviła ŭkładku «Siabry», u jakoj buduć sabranyja apdejty ad siabroŭ karystalnika biez ałharytmičnaha śmiećcia, jaki zabiŭ asnoŭnuju stužku, piša Devby.io.
U hetaj układcy nie budzie publikacyj, padabranych rekamiendacyjnymi ałharytmami, takich jak rekłamny kantent i pasty ad vypadkovych hrup, — tolki pasty, storys, ryłsy i dni naradžeńnia juzieraŭ sa śpisu siabroŭ. Raniej tut adlustroŭvalisia zapyty na siabroŭstva i rekamiendacyi siabroŭ.
Novuju funkcyju ŭžo pačali zapuskać u ZŠA i Kanadzie.
Sacsietka adznačyła, što z hadami raźvivałasia i imknułasia zadavalniać novyja patreby karystalnikaŭ, ale «mahija» znosin ź siabrami niedzie zhubiłasia. Ciapier jana vyrašyła viarnucca da vytokaŭ i abiacaje na praciahu hetaha hoda dadać jašče bolš fičaŭ ź minułaha.
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam36
Kamientary