Na telebačańni pakazali novaha abvinavačanaha za «finansavańnie ekstremizmu» — jon pracavaŭ u Polščy, ale jeździŭ u Biełaruś
U filmie, jaki anansavaŭ ANT, pakazvajuć siužety z dvuma ŭžo viadomymi palitviaźniami — Michaiłam Fando (atrymaŭ piać hadoŭ kałonii) i Alaksandram Dorahakupcom (atrymaŭ piać z pałovaj hadoŭ kałonii i bujny štraf). Adnak stała viadomaje i novaje imia — Vasil Areška z Salihorska.
ANT anansavaŭ novy film pra «finansavańnie ekstremizmu». U anonsie pradstaŭnik Dziaržkantrolu Uładzisłaŭ Łaryjonaŭ kaža, što ŭ minułym hodzie vyjaŭlena kala 70 vypadkaŭ finansavańnia «ekstremisckaj dziejnaści». Siarod atrymalnikaŭ dapamohi nazyvajucca Połk Kastusia Kalinoŭskaha i Bajsoł.
Siarod zatrymanych pa spravach pakazvajuć dvuch užo viadomych palitviaźniaŭ — Alaksandra Dorahakupca i Michaiła Fando. Michaił Fando daje intervju prosta z kałonii, u vypadku z Dorahakupcom pakazvajucca archiŭnyja kadry zatrymańnia.
Nazyvajuć i novaje imia — Vasil Areška. Chłopiec rodam z Salihorska. Jahony ŭzrost u sacsietkach nie ŭkazany, ale jamu prykładna 30 hadoŭ, kali mierkavać pa ŭzroście jaho siabroŭ Ukantakcie.
Viadoma, što ŭ Polščy Areška pracavaŭ HR-śpiecyjalistam — šukaŭ ludziej dla ŭładkavańnia na pracu. Pieryjadyčna jeździŭ u Biełaruś. Kali jon viarnuŭsia apošni raz, nieviadoma, ale zatrymany jon byŭ niekalki miesiacaŭ tamu.
Ciapier Areška ŭ SIZA. Što jamu zakidajuć, pakul nieviadoma — film pakažuć siońnia ŭviečary. Admietna, što jaho staronku Ukantakcie niechta vydaliŭ, spačatku pierajmienavaŭšy ŭ abraźlivaje «Jadałb**b Kurva».
«Naša Niva» — bastyjon biełaruščyny
PADTRYMAĆDoktaru Cimuru Łozku z bresckaha «Łade» šyjuć finansavańnie teraryzmu — da dvaccaci hadoŭ kałonii
Kaho sadziać za danaty, a kamu dazvalajuć adkupicca. Voś jakaja łohika
«Pisaŭ listy studentam-viaźniam, u jakich apisvaŭ fizičnyja cikavyja fakty». Što viadoma pra navukoŭca Juryja Adamava, asudžanaha za danaty
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary