U Minpryrody raskazali, na kolki hadoŭ Biełarusi chopić zapasaŭ nafty i kaliju
Pa zdabyčy kaliju Biełaruś dzielić treciaje miesca ŭ śviecie z Rasijaj, a svajoj naftaj kraina zabiaśpiečvaje siabie tolki na 10-12%. Hetyja ličby ŭ efiry ANT nazvaŭ ministr pryrodnych resursaŭ i achovy navakolnaha asiarodździa Siarhiej Maślak. Jon taksama acaniŭ, na jaki termin chopić raźviedanych zapasaŭ biełaruskaj nafty i kaliju.
Zapasy kaliju ŭ Minpryrody aceńvajuć prykładna na 100 hadoŭ zdabyčy ciapierašnimi tempami. Raniej u viedamstvie paviedamili, što zapasy kalijnych solaŭ u Biełarusi składajuć 7,3 miljarda ton.
Što tyčycca nafty, to jaje zapasy ŭ Biełarusi siońnia składajuć 45,2 miljona ton. Pry najaŭnym abjomie zdabyčy hetaha pavinna chapić amal na 50 hadoŭ.
U 2024 hodzie, pavodle źviestak «Biełarusnafty», abjom zdabyčy nafty ŭ krainie skłaŭ kala 1,94 miljona ton. Pryrost raźviedanych zapasaŭ nafty ŭpieršyniu za 40 hadoŭ pieravysiŭ hadavy ŭzrovień naftazdabyčy bolš čym na 700 tysiač ton.
Z zakrytych pratakołaŭ stała viadoma, jak Biełaruś i Rasija dzialili kalijny rynak
Pradukcyju «Biełaruśkalija» pierajmienavali i pradajuć ES u abychod sankcyj
Litva sprabuje pierakanać ZŠA nie zdymać sankcyi ź biełaruskaha kaliju
Čamu try hady vajny nie abrynuli ekanomiki Rasii i Biełarusi? I što budzie, kali zaklučać pieramirje?
Kamientary