«Jakaja dziaržava!» Karajeŭ znajšoŭ nahodu dla honaru za čynoŭnikaŭ
Novy kiraŭnik Hrodzienskaj vobłaści Juryj Karajeŭ raskazaŭ, jak jamu pracujecca na novaj pasadzie.
Karajeŭ zhadaŭ, jak Łukašenka letaś padčas vizitu ŭ Ašmianski rajon papraknuŭ ich z Uładzimiram Karanikam, jaki na toj momant uznačalvaŭ rehijon, za niesabranyja na poli kamiani.
«Pa kamianiach ja vas pravieru na ŭsiu katušku. Heta biazładździe. My źbirali kamiani pierad pasievam. A vy pa kamianiach pasiejali. Ahidnaja praca», — aburaŭsia tady Łukašenka.
Adnoj zaŭvahi «chapiła ŭsioj krainie prybrać kamiani», zachoplena kaža ciapier u intervju BT Karajeŭ.
«Ja voś kolki jechaŭ pa Minskaj vobłaści, ja hladzieŭ, jak zaŭziata za heta ŭzialisia. Jakaja kiravanaja ŭsia-taki kraina, jakaja dziaržava, dzie ŭsie kiraŭniki adnieśli heta na svoj rachunak, nie na rachunak tolki Hrodzienskaj vobłaści ci Ašmianskaha rajona», — z honaram adznačyŭ novy kiraŭnik vobłaści.
U novym statusie Karajeŭ užo dvojčy paśpieŭ ablacieć vobłaść, kab źvierchu pasačyć za paradkam.
«Paŭsiadzionnaja, rucinnaja praca staršyni abłvykankama bolš napružanaja, čym u ministra», — padzialiŭsia jon.
Karajeŭ adznačyŭ, nad čym jamu daručyli pracavać: Hrodzienščyna adstaje ad płana ŭ budaŭnictvie, vałavym rehijanalnym pradukcie i sielskaj haspadarcy (u apošniaj na 1% adstajuć ad płana ŭrada).
Nie praminuŭ čynoŭnik pachvalić i svajho papiarednika na pasadzie Karanika.
«Jon mnie parad nijakich nie davaŭ. Jon taki taktoŭny i vietlivy čałaviek, vielmi mudry. U jaho taki styl znosin. Jon parady daje, kali tolki ŭ jaho ich paprosiš. A sam jon ich nikoli nie naviazvaje. Jon ličyć, što vy, Juryj Chadžymuratavič, sami raźbieraciesia. Vy ŭsio heta bačyli, vy zaŭsiody pobač sa mnoj byli, dapamahali, padkazvali, tamu nie mnie vas vučyć, kazaŭ jon. Choć ja skažu tak, što mnie jašče ŭ jaho parad paprasić pryjdziecca, tamu što ŭ jaho na ŭsie pracesy byŭ niejki svoj pohlad».
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ20
Kamientary
Biełstat ozvučił, čto nasielenije Hrodnienskoj obłasti sokratiłoś na -7 676...
CIK soobŝił, čto u Karanika i Karajeva v toj žie Hrodnienskoj obłasti količiestvo iźbiratielej uvieličiłoś na +19 528.
[Zredahavana]