Hienieralny sakratar NATA raskrytykavaŭ Rasiju za zaciahvańnie pieramovaŭ
Mark Rute dadaŭ, što spynieńnie ahniu «moža zaniać bolš času, čym nam chaciełasia b».
Hienieralny sakratar NATA Mark Rute ličyć, što Rasija pavinna prademanstravać ZŠA žadańnie skončyć vajnu va Ukrainie, ale pakul Kreml tolki zaciahvaje hety praces. Pra heta jon skazaŭ u intervju CBS News.
Jon padkreśliŭ, što i ZŠA, i NATA prykładajuć namahańni, kab pakłaści kaniec vajnie va Ukrainie, «i ŭ miežach hetych namahańniaŭ ZŠA sapraŭdy starajucca». Adnak ciapier miač znachodzicca na baku Rasii, jakaja robić niedastatkova dla spynieńnia ahniu.
«Ja liču, što jany dziejničajuć niedastatkova chutka, i mnie zdajecca, u pryvatnaści ja čuju heta ad maich amierykanskich surazmoŭcaŭ, što Rasija sapraŭdy pavinna zrabić bolš, kab pakłaści kaniec hetaj vajnie», — adznačyŭ Rute. Jon padkreśliŭ, što zachodnija sajuźniki całkam padtrymlivajuć namahańni ZŠA adnosna spraviadlivaha, tryvałaha i doŭhaterminovaha zaviaršeńnia vajny.
Pry hetym na pramoje pytańnie viadučaj pra toje, ci nie turbuje jaho, što Rasija dyktuje ZŠA ŭmovy adnosna spynieńnia ahniu, Rute adkazaŭ admoŭna:
«Ja razmaŭlaŭ z Marka Rubia, ja rehularna kantaktuju ź inšymi členami amierykanskaj administracyi. Ja dumaju, što jany… sapraŭdy sprabujuć krok za krokam pryjści da situacyi, kali hetaja vajna moža skončycca. Ale, viadoma, Rasija — rasijanie taksama pavinny tancavać tanha, a pakul što jany, zdajecca, hetaha nie robiać, i heta składana».
Rute taksama dadaŭ, što apošnim časam «linija frontu ruchałasia ŭ niapravilnym kirunku». Pry hetym jon nie ŭpeŭnieny ŭ tym, ci źbirajecca Uładzimir Pucin spyniać uvarvańnie va Ukrainu.
Ciapier čytajuć
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2020
Kamientary