Pra śmierć 6 krasavika viadomaha biełaruskaha etnołaha i historyka, člena-karespandenta Nacyjanalnaj akademii navuk Biełarusi Michaiła Pilipienki paviedamiŭ Centr daśledavańniaŭ biełaruskaj kultury, movy i litaratury NANB. Jamu było 88 hadoŭ.
Michaił Pilipienka naradziŭsia 19 maja 1936 hoda ŭ vioscy Niežychaŭ Brahinskaha rajona ŭ sialanskaj siamji.
Vučyŭsia ŭ Mazyrskim piedahahičnym vučyliščy, zatym pastupiŭ u 1956 hodzie na histaryčny fakultet Biełaruskaha dziaržaŭnaha ŭniviersiteta. U 1964—1967 hadach vučyŭsia ŭ aśpirantury Maskoŭskaha dziaržaŭnaha ŭniviersiteta imia Łamanosava, paśla zakančeńnia jakoj šmat hadoŭ pracavaŭ na histaryčnym fakultecie Biełaruskaha dziaržaŭnaha ŭniviersiteta — spačatku vykładčykam kafiedry historyi staražytnaha času i siarednich viakoŭ, a zatym dacentam kafiedry archieałohii, etnahrafii i dapamožnych histaryčnych dyscyplin.
Z 1991 hoda pracavaŭ u Instytucie mastactvaznaŭstva, etnahrafii i falkłoru imia Kandrata Krapivy Nacyjanalnaj akademii navuk Biełarusi. Spačatku byŭ zahadčykam adździeła etnałohii, a z maja 1994 hoda pa 2004 hod — dyrektar Instytuta. U 1993 hodzie abaraniŭ doktarskuju dysiertacyju, a ŭ 1994-m staŭ členam-karespandentam NANB.
Daśledavaŭ prablemy etnahieniezu i etničnaj historyi biełaruskaha naroda, pytańni historyi biełaruskaj etnałohii i falkłarystyki, siamiejnych adnosin, viasielnych zvyčajaŭ i abradaŭ biełaruskaha sialanstva, narodnych relihijnych vieravańniaŭ.
Byŭ aŭtaram manahrafij «Etnahrafija Biełarusi» (1980) i «Uźniknieńnie Biełarusi: novaja kancepcyja» (1991), saaŭtaram kalektyŭnych rabot «Histaryčnaje krajaznaŭstva Biełarusi», «Narodnaja piedahohika biełarusaŭ», «Biełarusy», «Biełaruś na miažy tysiačahodździaŭ» i inšych.
Akramia taho, jon aŭtar zvyš sta navukovych artykułaŭ.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Dobraja pamiać.