U Viciebsku vynieśli prysud pravasłaŭnamu śviataru, jaki naśmierć źbiŭ mašynaj dzicia
U Viciebsku vynieśli prysud pa trahičnaj avaryi, jakaja adbyłasia ŭ studzieni 2025 hoda na viciebskim praśpiekcie Čarniachoŭskaha, piša telehram-kanał «Vitiebsk, ja hulaju!»
Za rulom aŭtamabila, jaki źbiŭ 9-hadovaha školnika, znachodziŭsia pravasłaŭny śviatar. Jon imčaŭsia na čužym mikraaŭtobusie Mercedes-Benz Sprinter z chutkaściu 94 km/h, praihnaravaŭ čyrvonaje śviatło i nie spyniŭsia pierad pierachodam, pa jakim na zialonaje śviatło išło dzicia. Chłopčyk ad pryčynienych traŭmaŭ pamior u balnicy.
Sud pryznaŭ mužčynu vinavatym u parušeńni PDR, što paciahnuła pa nieaściarožnaści śmierć čałavieka, i prysudziŭ jaho da 4 hadoŭ i 6 miesiacaŭ pazbaŭleńnia voli. Taksama adkaznaść uskładzienaja na ŭładalnika aŭtamabila — jon abaviazany vypłacić baćkam zahinułaha kampiensacyju pa 100 tysiač rubloŭ kožnamu.
Pry hetym, jak vyśvietliŭ sud, śviatar akazaŭsia sapraŭdnym darožnym recydyvistam: raniej jon užo pryciahvaŭsia da administracyjnaj i kryminalnaj adkaznaści za parušeńni PDR i trojčy (!) pazbaŭlaŭsia pravoŭ.
Nieŭzabavie «Vitiebsk, ja hulaju!» zdoleŭ vyśvietlić imia hetaha śviatara. Heta kliryk chrama Matrony Maskoŭskaj u viciebskim mikrarajonie Bileva, ijerej Dźmitryj Fiodaraŭ. Jon baćka čatyroch dziaciej, a prapahandysckaja «Biełaruś siehodnia» rabiła pazityŭny repartaž pra siamju Fiodaravych u 2022 hodzie.
Paśla toj avaryi śledčy i supracoŭnik DAI pravodzili likbiez siarod klirykaŭ Viciebskaj dyjacezii adnosna pavodzin na darozie.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam7
Kamientary
Dy jakij niebudź afełak, nakštałt Aźviaronka chiba v dupu parvaŭ kryčeŭšy.
Samaje niezrazumiełajeja, heta zpahnańnie 200K z uładalnika Mercedesa. To bok, baradaty [Red. vydalena] nie budzie kampiensavać maralnyja straty baćkam, a niejki vypadkovy čałaviek zaraz budzie karačycca hadami, za hetaha słužku dźjabła.
“Strana dla žyźni”, ničoha nie dadać.
[Zredahavana]