Žudasny vypadak zdaryŭsia ranicaj 25 sakavika ŭ Baranavickim rajonie.
Žudasny vypadak zdaryŭsia ranicaj 25 sakavika ŭ Baranavickim rajonie.
Zdareńnie adbyłasia ŭ vioscy Zornaje Baranavickaha rajona ranicaj 25 sakavika. Jak tolki žančyna adčyniła dźviery kvatery, muž abliŭ jaje bienzinam i kinuŭ zapałku. Kurtka i vałasy žančyny ŭspychnuli imhnienna. Žančyna ŭ šoku kinułasia preč z kvatery. «Ja ŭbačyŭ pałajučaha čałavieka, što vybiahaŭ z padjezdu, i kinuŭsia na dapamohu, — raspavioŭ Intex-press vidavočca zdareńnia Juryj. — Žančyna hareła žyŭcom. Jana vielmi mocna kryčała. Jak maha chutčej ja staŭ tušyć na joj adzieńnie, vybiehli susiedzi i dapamahli mnie. Potym ja vyklikaŭ chutkuju».
Jak raspaviała dačka paciarpiełaj Natalla, skandalić pjany baćka pačaŭ jašče ź viečara, ale potym supakoiŭsia i zasnuŭ.
A ranicaj jon kudyści źbiehaŭ, moža ŭ haraž. Viarnuŭsia pjany, i ad jaho pachła bienzinam, — skazała IP Natalla sa ślazami. — My z maim dvuchhadovym synam byli ŭ pakoi i nie vychodzili, kab jaho nie złavać».
«Heta nie pieršy niaščasny vypadak u našaj siamji. Paŭtara miesiacy tamu jon napaŭ na žonku ź vieličeznym nažom i mocna parezaŭ jaje, — skazaŭ muž Natalli Vital. — Usio z-za taho, što jon ničoha nie robić i pje jak ašaleły. Kožny dzień na čarcy, što ad jaho jašče čakać».
Siońnia muž paciarpiełaj pavinien byŭ źjavicca na pasiedžańnie sudu ŭ jakaści abvinavačanaha pa spravie ab naniasieńni cialesnych paškodžańniaŭ žoncy.
Jak paviedamili ŭ traŭmatałahičnym adździaleńni Baranavickaj haradskoj balnicy, žančyna pastupiła ŭ adździaleńnie z apiokami tvaru, ruki, biadra i halonki. Zaraz, pa słovach lekaraŭ, stan paciarpiełaj zdavalniajučy.
Kamientary