Vens prybyŭ u Deli abmierkavać z Modzi taryfy i handlovuju ździełku. U Indyi vizitu radyja nie ŭsie
Vice-prezident ZŠA Džej Dzi Vens prybyŭ u Deli, dzie praviadzie pieramovy z premjer-ministram Indyi Narendram Modzi. Pieramovy, vierahodna, buduć pryśviečany paskoranamu zaklučeńniu dvuchbakovaha handlovaha pahadnieńnia pamiž dźviuma krainami, paviedamlaje Bi-bi-si.
«Baki taksama abmianiajucca mierkavańniami adnosna rehijanalnych i hłabalnych padziej, jakija ŭjaŭlajuć uzajemnuju cikavaść», — zajaviła Ministerstva zamiežnych spraŭ Indyi napiaredadni vizitu Vensa.
Vice-prezidenta supravadžajuć jaho dzieci i žonka Uša Vens, čyje baćki pierajechali ŭ ZŠA z paŭdniovaha štata Andchra-Pradeš.
Paśla prybyćcia ŭ Deli ŭ paniadziełak ranicaj Vens naviedaŭ chramavy kompleks Akšardcham. Čakajecca, što Vens razam ź siamjoj taksama ździejśnić ahladnuju ekskursiju pa Ahry i Džajpuru. Paźniej ciaham dnia jon pavinien sustrecca ź indyjskim premjeram dla aficyjnych pieramoŭ, a viečaram Modzi zaprasiŭ Vensa na viačeru.
Vizit vice-prezidenta supaŭ pa časie ź niaprostaj situacyjaj u suśvietnym handli, spravakavanaj taryfnymi vojnami prezidenta Donalda Trampa. Šmat jakija krainy śpiašajucca zaklučyć handlovyja pahadnieńni z ZŠA da zakančeńnia abvieščanaj Trampam 90-dzionnaj paŭzy ŭ užyvańni impartnych taryfaŭ — termin jaje dziejańnia skančajecca 9 lipienia.
Tramp, nieadnarazova abvinavačvaŭšy Indyju ŭ handlovym dysbałansie z ZŠA i vykarystańni taryfaŭ u svaju karyść za košt Amieryki, abkłaŭ indyjskuju pradukcyju 27-pracentnymi taryfami, ale zatym 9 krasavika prypyniŭ ich dziejańnie.
Kab praduchilić dalejšyja ekanamičnyja nastupstvy, čynoŭniki ŭ indyjskaj stalicy śpiašajucca ŭzhadnić pieršy tranš handlovaj ździełki, jakuju abodva baki spadziajucca zaviaršyć da vosieni.
Indyja ŭžo źniziła taryfy na niekatoryja amierykanskija tavary i, jak čakajecca, praciahnie źnižeńnie, pakolki handlovy bałans pa-raniejšamu składvajecca na karyść Deli: stanoŭčaje salda handlovaha bałansu z ZŠA składaje kala 45 młrd dalaraŭ. Indyjskija taryfy na amierykanskuju pradukcyju, u siarednim 12%, u šeść razoŭ vyšejšyja, čym amierykanskija.
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć99
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć9
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes21
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary