Čynoŭniki raskazali pra palapšeńnie radyjacyjnaj situacyi ŭ Biełarusi
Namieśnica načalnika ŭpraŭleńnia pa abychodžańni z radyjeaktyŭnymi adchodami i abjektami jadziernaj spadčyny Dziaržatamnahladu Kaciaryna Šmialova napiaredadni čarhovaj hadaviny avaryi na Čarnobylskaj AES raskazała, jakaja ciapier u Biełaruski radyjacyjnaja situacyja.
Pavodle słoŭ čynoŭnicy, u cełym pa terytoryi radyjeaktyŭnaha zabrudžvańnia, za vyklučeńniem Paleskaha dziaržaŭnaha radyjacyjna-ekałahičnaha zapaviednika, pierśpiektyvy dobryja. Radyjeaktyŭny raspad adbyvajecca, ziamli ačyščajucca, radyjacyjnaja abstanoŭka palapšajecca.
Šmialova raskazała, što praz 39 hadoŭ paśla avaryi na Čarnobylskaj AES užo raskłałasia 60% ad usioj kolkaści ceziju-137, jaki vypaŭ u 1986 hodzie, i prykładna 62% — stroncyju-90.
Ahulnaja płošča radyjeaktyŭnaha zabrudžvańnia składaje ciapier kala 12% ad terytoryi Biełarusi. Usiaho ŭ zonach radyjeaktyŭnaha zabrudžvańnia znachodziacca 1859 nasielenych punktaŭ, u jakich žyvie 930 tysiač čałaviek. Siarod ich 181 tysiača — dzieci.
Što tyčycca Paleskaha dziaržaŭnaha radyjacyjna— ekałahičnaha zapaviednika, to:
«Hetaja terytoryja ŭ ahladnaj budučyni nie budzie ŭciahnutaja ŭ niejki asablivy haspadarčy abarot, a budzie vykarystoŭvacca jak ekśpierymientalna-haspadarčaja zona, jak navukovy palihon».
Kamientary