Novym Papam Rymskim moža stać kardynał, jaki byŭ u Biełarusi i cytavaŭ Baradulina
Aŭtarytetnaja italjanskaja hazieta La Stampa ličyć, što novym Papam Rymskim moža być abrany 70-hadovy Dziaržsakratar Vatykana kardynał Pjetra Paralin. Vydańnie nazvała jaho adnym z asnoŭnych pretendentaŭ. Hetamu pretendentu nie zusim čužaja biełaruskaja prablematyka, i na niadaŭniaj sustrečy ź biełaruskimi ijerarchami jon demanstravaŭ vialikuju abaznanaść, što ŭ nas robicca, piša Katolik.life.
Sustreča ź biełaruskaj moładździu ŭ Minsku ŭ 2015 hodzie
Kardynała Paralina dobra viedajuć na postsavieckaj prastory, i jon taksama dobra aryjentujecca ŭ situacyi va Uschodniaj Jeŭropie. Jon u svoj čas naviedvaŭ z aficyjnymi vizitami Biełaruś, Ukrainu i Rasiju.
Apošnija stasunki biełaruskich ijerarchaŭ z kardynałam adbylisia litaralna dva miesiacy tamu. Jak raskazaŭ tady Mitrapalit Minska-Mahiloŭski arcybiskup Juzaf Stanieŭski, kardynał Paralin cikaviŭsia «kankretnym žyćciom našych viernikaŭ i adnačasova našaha hramadstva»:
«Byli i asabistyja pytańni, pra jakija ja i nie mierkavaŭ, što jon moža viedać. Ubačyŭšy majo ździŭleńnie pytańniem, patłumačyŭ: «Heta Vatykan».
U 2015 hodzie na sustrečy z moładździu ŭ Minsku kardynał Paralin cytavaŭ narodnaha paeta Biełarusi Ryhora Baradulina, pryznavaŭsia, što ŭzrušany jahonymi vieršami. Taksama padčas vystupleńnia ŭ Kafiedralnym kaściole jon cytavaŭ Uładzimira Niaklajeva i Valarynu Kustavu.
A na pieramovach z uładami kardynał tady kazaŭ, što Śviaty Pasad hatovy dapamahčy ŭ imknieńni Biełarusi da bolšaj adkrytaści ŭ adnosinach da Jeŭrapiejskaha Sajuza, da astatniaha śvietu, pakolki «palitykaj Vatykana kiruje pierakananaść u tym, što ciažkaści pavinny vyrašacca nie praź izalacyju, a praz dyjałoh».
Vizit Paralina ŭ Biełaruś sadziejničaŭ tady vyzvaleńniu palityčnych źniavolenych.
U cełym Dziaržsakratar Paralin nie raz sustrakaŭsia ź biełaruskimi biskupami ŭ Vatykanie. Na adnoj z takich sustreč kardynał vykazvaŭ
«hłybokuju zaniepakojenaść stanam zamiežnych śviataroŭ, jakija majuć ciažkaści z atrymańniem dazvołu na słužeńnie ŭ Biełarusi, a taksama niemahčymaściu dla śviataroŭ, jakija naviedvajuć krainu, słužyć Eŭcharystyju biez dazvołu ŭłady».
Kardynał tady zadavaŭ rytaryčnaje pytańnie, ci jość jašče dzieści ŭ śviecie niešta padobnaje. Na dumku kardynała, takoje stanovišča rečaŭ źjaŭlajecca nieprymalnym.
Chto budzie nastupnym Papam? Voś chto moža źmianić Franciška
Bukmiekiery vyłučyli dvuch favarytaŭ na pasadu Papy Rymskaha
Dziaržaŭny sakratar Vatykana zachapiŭsia vieršami Baradulina
Kardynał Paralin u Archikatedralnym kaściole cytavaŭ Niaklajeva i Kustavu
Kardynał Pjetra Paralin palacieŭ ź Biełarusi zvyčajnym rehularnym rejsam FOTAFAKT
Kardynał i dzieci: uračystaja imša dla małych u Katedry FOTAREPARTAŽ
Pjetra Paralin nie vyklučaje, što jaho pryjezd moža papiaredničać vizitu ŭ Biełaruś Papy
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos32
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1616
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes16
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary